Репродукциялық фотоаппарат

Репродукциялық фотоаппарат - өте үлкен пішімді (30x30x125 см), шамаға сәйкес көлемді (в натуральную величину), кішірейтілген (4-5 есе) немесе үлкейтілген (2-2,5 есе), растрмен не растрсыз, дұрыс не бұрыс (зеркальный) ақты-қаралы немесе түрлі түсті (әр түске бөлінген) бейне беретін арнайы фотоаппарат. Репродукциялық фотоаппаратың шағылған сәуле арқылы (қағаздағы түп нұсқадан), сондай-ақ өтпелі сәуле арқылы (диапозитивтер, слайдтар) түсіруге мүмкіндігі бар. Репродукциялық фотоаппарат оптикалық өсінің орналасуына қарай: көлденең, тік, көлбеген (наклонный); орнатылуына қарай: тұрақты, аспалы; орналасқан бөлме санына қарай: бір бөлмелі, екі бөлмелі, және айқындыққа реттеу бөліктерінің қозғалысына қарай ерекшеленіп бөлінеді. Репродукциялық фотоаппарат құрамына станина, күңгірт шыны қорабы, объектив тұғыры, түпнұсқа ұстағыш, жарық беру құрылғылары, айқындыққа реттеу, масштабын келтіру механизмдері енеді.