Рипинский атындағы көше (Алматы)

Рипинский атындағы көше (Алматы) Көшеге Алматы қаласының көркеюіне елеулі үлес қосқан белгілі сәулетші, КСРО Мемлекеттік сыйлығының иегері Николай Рипинскийдің есімі (Алматы қаласы мәслихатының 6.03.2008 №83 шешімі мен Алматы қаласы әкімдігінің 14.03.2008 №2/139 қаулысы) берілген. Рипинский Николай (1906-1969) Мәскеу қаласында дүниеге келген. Оның басшылығымен Алматы қаласындағы «Жетісу», «Алматы» мейманханалары, М.Әуезов атындағы қазақтың академиялық драма театры (қазіргі Ғ.Мүсірепов балалар мен жасөспірімдер театры), Республика Сарайы және Балуан Шолақ атындағы Спорт сарайлары салынды. Ол сонымен қатар Жамбыл, Шымкент, Талдықорған қалаларының Бас жобасын жасаған. Көше Әуезов ауданының «Қалқаман-2» шағынауданында орналасқан. Көшенің ұзындығы - 1100 метр.