Рихард Соломонович Шульц

Шульц Рихард Соломонович

Шульц Рихард Соломонович (16.06.1886, Саратов қаласы, - 09.10.1973, Алматы) - совет гельминтологының биолог ғылым докторы (1935), профессор (1939). ҚазССР-інің еңбек сіңірген ғылым қайраткері (1956).

Өмірі туралы қысқаша мәлімет

Азамат соғысына (С.М.Буденныйдың 1-Атты армиясы) және басмашыларды жоюға (Түркістан майданының Бұхар әскери тобы) қатысқан. Саратов университетін бітірген (1919). 1923-1924 жылдары паразиттік ауруларды зерттеу жөніндегі Бұқар экспедициясының қызметкері. 1924-1929 жылдары Бүкілодақтық эксперименттік малдірігерлігі институтында (Москва) гельминтология бөлімінің ассистенті. 1929-1941 ж. Бүкілодақтық гельминтология институтының директорының орынбасары. 1947-1967 ж. Қазақ малдәрігерік ғылыми-зерттеу институтында аға ғылым қызметкер, лаборатория меңгерушісі , 1968 жылдан ғылыми консультант болды. Негізгі ғылыми еңбектері гельминттер морфологиясы мен биологиясына , филогенезі мен систематикасына , сондай-ақ мал гельминтоздары иммунологиясы мен патогенезіне ,оларды анықтау ,емдеу, олардан сақталу мәселелеріне арналған. Шульц шошқа аскаридозы мен өкпе гельминтоздары , мал эхинококкозы кездерінде мал денесіндегі құрттарды айдап шығу әдісін ұсынды, ішек цестоздарынан сақтану негіздерін салып, қой өсіретін шаруашылықтарды эхинококкоздан т.б. гельминтоздардан арылту жолдарын белгілеп берді.

Шығармалары

Шығармалары: Гельминты человека(1929); Гельминтозы крупного рогатого скота и его молодняка(1937); Гельминты и гельминтозы сельскохозяйственных животных(1964); Основы общей гельминтологий (1970-1976).