Ромин Ризаұлы Мәдинов

Ромин Ризаұлы Мәдинов. 1961 жылы 22 қазанда Көкшетау облысының Қызыл Ту ауылында туған. Қазақ. Әкесі - Мәдинов Риза Қажымұлы, зейнеткер. Анасы - Кемеңгерова Сәуле Қошмұхамбетқызы. Омбы мемлекеттік университетінің заң факультетін (1988) құқықтанушы мамандығы бойынша; Ресей Федерациясының Үкіметі жанындағы Халық шаруашылығы академиясын (2008) МВА экономисті мамандығы бойынша бітірген. «Қазақстан Республикасындағы және кейбір алыс шет елдердегі агроөнеркәсіптік кешендер» (1996), «Нарық жағдайындағы Қазақстан Республикасындағы ет өңдеу кәсіпорындарының тиімділігін жоғарылату жолдары» (1997) кітаптарының тең, сонымен қатар көптеген мақалалар мен жарияланымдардың авторы. Ағылшын және орыс тілдерін біледі. Қазақстан Аграрлық партиясының төрағасы (1999-2006). «Нұр Отан» ХДП саяси кеңесі бюросының мүшесі (2006 жылдан). 1978 жылдан - «Омскгидропривод» зауытында айналмалы жонушы. 1980 жылдан - Кеңес Әскерінің қатарында қызметте. 1982 жылдан - Омбы мемлекеттік университетінің заң факультетінің студенті. 1985 жылдан - «Омскгидропривод» зауыты БЛКЖО комитетінің хатшысы. 1987 жылдан - Омбы БЛКЖО облыстық комитетінің нұсқаушысы. 1989 жылдан - Омбы қаласындағы «Контракт» коммерциялық орталығының директоры. 1996 жылдан - «Агроорталық» компаниясының директоры (Алматы қ.). 1997 жылдан - ҚР Премьер-министрінің ауыл шаруашылығы жөніндегі кеңесшісі. 1999 жылдың қазан айынан - ҚР Парламенті Мәжілісінің депутаты, ҚР Парламентіндегі Қазақстан Аграрлық фракциясының жетекшісі. 2007 жылдан бері - ҚР Парламенті Межілісі 4-ші шақырылымының депутаты, Аграрлық мәселелер комитетінің төрағасы. «Құрмет» (2004) орденімен; «Астана» (1998), «Қазақстан Республикасының тәуелсіздігіне 10 жыл» (2001), «Тыңға 50 жыл» (2004), «Қазақстан Конституциясына 10 жыл» (2005), «Қазақстан Парламентіне 10 жыл» (2006) медальдарымен; ТМД Парламентаралық ассамблеясының естелік медалімен және құрмет грамотасымен (2003) марапатталған.

Әскери атағы - капитан.

Саяси қайраткер ретіндегі идеалы - Н.Ә. Назарбаев, Дж. Кеннеди.

Қазақстанның болашағы туралы болжамы - «Қазақстан - өркендеу, келісім мен бейбітшіліктің үлгісі болады».

Хоббиі - классикалық әдебиет, футбол, теннис.

Сүйіп оқитын әдебиеті - Ф.М.Достоевский, И. Шоу, Д. Френсис.

Үйленген. Жұбайы - Айсина Салтанат Тілектесқызы, үй шаруасымен айналысады. Қыздары - Рената (1980), Раида (2004); ұлы - Руслан (1986).