Ронин

Ронин (rōnin, 浪人, қаңғырушы, сенделуші) — Жапония тарихындағы ұстазы, немесе басшысы жоқ самурай. Ұстазы қайтыс болған, немесе тірі болса да ұстазының көмегінен айырылған жағдайда самурай ронин деп аталады. Ронин ешқандай тұрақты статус емес, әркім де ронин болуы мүмкін. Бұл сөз кейін тек ұстазы жоқтарды ғана емес, ештеңе істемей, тұрақты тұрмыс кешірмей, сенделіп, қаңғырып жүрушілерге де қаратылған.

Жапоннның Ukiyo-e ағаш оймасы, шебер Утагава Куниёоши әйгілі ронин Миямото Мусашиге оның тағдырын айтып беруде.

Йошитошидің Ukiyo-e ағаш баспасы, қырық жеті рониннің бірі Оиши Чикара бейнеленген.

Қазіргі жапон тілінде Ронин сөзі жұмыстан шеттетілген сатушыға қаратылады, немесе универститетке қабылданбаған орта мектеп түлегіне қаратылады.

Этимологиясы

Ронин сөзі тіке жапон тілінде 浪人 - "Толқын адамы" деген сөзден шыққан. Толқын - қоғамда бағытсыз қаңғырып, келіп-кетіп жүруіне қаратылған. Бұл үйі жоқ "Кезбе", "қаңғырушы" деген сөздердің идиомалық айтылуы. Бұл сөз Нара (Nara) және Хеиан (Heian) мезгілінде шыққан болып, басшысының жерінен кетушіге қаратылған. Кейін бұл сөз Самурайлардың ұстазы жоқтарына қаратылған. "Жеті самурай" киносында қарақшылар шабуылына ұшыраған ауыл осындай Рониндерді жалдайды.