Рубен Кастро
Рубен Кастро (исп. Rubén Castro; 27 маусым 1981 жыл, Лас-Пальмас-де-Гран-Канария) — Испания елінің футболшысы, «Бетис» клубының шабуылшысы. Бала кезінен өзінің туған Лас-Пальмас қаласында бастап футболмен шұғылданып, жергілікті және аймақтық футболдан жарыстарға қатысып жүрген. 2004 жылы Рубен Кастроны Депортиво Ла-Корунья клубына шақырды.
Клубтардағы мансабы өңдеу
Оның мансабы Лас-Пальмас клубында басталды. 2001/2002 жылы өткен маусымда Рубен Кастро Ла Лигадағы өзінің бірінші голын Лас-Пальмас клубында ойнап Реал Мадрид клубына 64 минутта қақты. 2003/2004 жылдары Рубен Кастро өз командасының құрамында ойнап, 22 гол қағып, екінші дивизионның ең үздік бомбардиры болып аталды. 2004 жылы Рубен Кастро «Депортиво Ла-Корунья» клубына ауысты. Бірақ бірден Альбасете клубына жалға берілді. Альбасетеде ол 22 матч ойнап, 3 гол қақты. 2007 жылы Рубен Химнастикте 20 матч ойнады. Рубен едәуір жақсы бастады. Оның клубы шығып кетуіне қарамастан Рубен Кастро бірінші 3 матчында 2 гол соқты. 2008/2009 жылғы маусымда ол Уэске жалға берілді. Уэскте Рубен Кастро 41 матч ойнап, қақпаға 14 рет гол тықты. 2009/2010 жылдардағы маусымда Рубен Кастро Райо Вальеканода 42 матч ойнап, 14 гол тықты.
Реал Бетистегі мансабы өңдеу
2010 жылдың тамызында Рубенді «Реал Бетиске» сатып жіберді. 2010/2011 жылдардағы маусымда Рубен Кастро, Хорхе Молина және Ашиль Эмана бірге 50 гол соқты. Сол себепті «Бетис» қайтадан Ла Лигаға қайтып келді.