Рубцов таушығы

Рубцов таушығы

РУБЦОВ ТАУШЫҒЫ (semenovia rubtzovii) — шатыршагүлділер тұқымдасына жататын көп жылдық өсімдік. Жетісу (Жоңғар) Алатауында кездеседі. Биіктігі 40 см-ге жетеді, ұршық пішінді тамыры бар. Сабағы тік. Дегелек жапырағы жіңішке сағаққа орналасқан. Жапырақ алақаны жұмыртқа пішінді, екі рет қауырсын тәрізді тілімделген, сабақ жапырағының қандауыр пішінді қынабы бар. Шатыршагүлі 7-13 салалы, диаметрі 4 см-дей. Күлтелері сұрғылт сары түсті. Маусым айында гүлдеп, шілдеде жемістенеді. Сирек кездесетін эвдемик. Қазақстанның “Қызыл кітабына” енгізілген.