Румиль Тауфикұлы Тауфиков

Тауфиков Румиль Тауфикұлы. 1974 жылы 30 қаңтарда Қырғыз КСР Фрунзе қаласында туған. Қазақ.

Анасы - Әбділманова Нәзия (1953 жылы туған), үй шаруасымен айналысады, Алматы облысының жөндеу-құрылыс тресінде жұмыс істеген. Абай атындағы Алматы мемлекеттік университетін (1997, 2000), «Математика және информатика», «Құқықтану» мамандыктары бойынша бітірген.

2000 жылдан - «Астана қаласының коммуналдық меншік қоры» МКК бас маманы, бөлімшесін басқарушы. 2001 жылдың мамырынан - Астана қаласы әкімі аппаратының ұйымдастыру-бықылау және мамандармен жұмыс бөлімінің бас маманы - Хаттама жетекшісі. 2001 жылдың қарашасынан - ҚР Президенті Хаттамасының кеңес берушісі, сектор меңгерушісі, бас инспекторы. 2006 жылдың наурызынан - ҚР Президенті хаттамасы жетекшісінің орынбасары. 2009 жылдан бері - ҚР Президенті Хаттамасының жетекшісі.

«Құрмет» орденімен (2010), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Астананың 10 жылдығы» (2008) медальдарымен марапатталған. Дипломатиялық рангі - I сыныпты кеңесші.

Үйленген. Жұбайы - Тауфикова Әлия Ибрагимқызы (1981 жылы туған), үй шаруасымен айналысады. Қыздары - Тауфикова Әлима (2000 жылы туған), Тауфикова Тәмила (2006 жылы туған), Тауфикова Аида (2010 жылы туған); ұлы - Тауфиков Тамерлан (2008 жылы туған).