Рысбек Рамазанұлы Нұрғазин

Рысбек Рамазанұлы Нұрғазин - 1959 жылы 15 маусымда Семей облысы Үржар ауданының Үржар ауылында туған. Қазақ. Әкесі - Нұрғазин Рамазан, марқұм. Анасы - Нұрғазина Әсия, марқұм. Қарағанды дене шынықтыру және спорт техникумын (1981) денө шынықтыру пәнінің оқытушысы мамандығы бойынша; М.Х. Дулати атындағы Тараз мемлекеттік институтын (1998) дене шынықтыру пәнінің оқытушысы және жаттықтырушысы мамандығы бойынша бітірген. Қазақ, орыс және ағылшын (сөздіктің көмегімен) тілдерін біледі. «Нұр Отан» ХДП мүшесі (2003 жылдан).

• 1976 жылдан - Семей облысы Үржар ауылының «Қызыл Тау Бүркіті» кеңшарының жұмысшысы.
• 1977-1979 жылдары - Кеңес Әскерінің қатарында қызметте.
• 1983 жылдан - Семей облысы Үржар ауылының БЖСМ жаттықтырушы-оқытушысы.
• 1994 жылдан бері - Қ. Мұңайтпасов атындағы Республикалық спорттағы дарынды балаларға арналған спорт мектеп-интернатының жаттықтырушысы.
• 1995-2005 жылдары - ҚР құрама командасының грек-рим күресі бойынша кадеттер мен жастар жөніндегі аға жаттықтырушысы.
• 2008 жылдан бері - ҚР Олимпиадаға дайындық орталығының аға жаттықтырушысы (Алматы қаласы). Жастар арасындағы 2 мәрте әлем чемпионы, 2 мәрте Азия чемпионы Иманбаев Әсетті; әлем және Азия чемпионы Баяхметов Дәуренді; И. Поддубный құрметіне өткізілген Әлем чемпионатының жеңімпаздары Қоныратов

Ербол мен Кебіспаев Алматты; 18 жасқа дейінгі оқушылар арасындағы олимпиада ойындарының чемпионы (2010) Қандыбаев Жәнібекті тәрбиелеген. Грек-рим күресінен ҚР Еңбек сіңірген жаттықтырушысы (2001). «Астананың 10 жылдығы» медалімен марапатталған (2008).

Үйленген. Жұбайы - Нұрғазина Жаңыл Қалиханқызы, Қ. Мұңайтпасов атындағы Республикалық спорттағы дарынды балаларға арналған спорт мектеп-интернатының тәрбиешісі. Үлдары - Жанат (1985 ж. т.), грек-рим күресі бойынша сорт шебері, Серікбек (1988 ж. т.), студент, Бекзат (1991 ж. т.), студент.