Рёта Кисе

Рёта Кисе(黄瀬 涼太, Kise Ryota)- Куроконың баскетболы ("Kuroko no basuke") анимесінің кейіпкері. Тэйко орта мектебіндегі «Ғажайып ұрпақтары» командасының ойыншысы. Қазіргі уақытта Кайджо мектебінің командасының мүшесі. Біреудің ойнау стиліне еліктеумен танымал. Еліктеген кезде басқа адамның стилін біраз өзгертіп, оны жақсартуы мүмкін.

Сыртқы келбеті

Баскетболға қоса Кисе модель болып жұмыс істейді, сондықтан Кисенің келбеті шынымен де әдемі. Кисе- ұзындығы орташа сары шашты жігіт. Кірпіктері ұзын, көздері алтын түсті, сол құлағында пирсинг бар. Ол мүсінді, ұзын, көрікті. Баскетбол алаңшасының сыртында оны мектеп формасында көруге болады: сұр түсті костюм, ақ жейде мен галстук. Ойын уақытында Кайджоның ақ-көк 7 номерлі формада көруге болады.

Тұлғасы

Кисе өте жарық тұлға. Ол сүйкімді және бауырмал, ашық және әңгімешіл, бәрімен достасып кете алады. Оның тым шапшандығы мен сөйлегіштігінен оны ақылсыз және аңқау деп ойлап қалуға болады, бірақ бұл шындықтан алыс. Ойын барысында ол көп рет өзінің ақылы мен зеректігін дәлелдеген. Кисенің өзгелерден ерекшелігінің бірден бір дәлелі -ччи жұрнағын істету. Ол бұл жұрнақты өзі құрметтейтін адамдарға қолданады. Тейконың құрамында болғанда Кисе жеңіліс дегенді білмейтін, бірақ Сейрин командасына жеңілгеннен кейін Кисе командалық ойынға деген өз ойын толықтай өзгертті. Ол өзін өзі кемелдендірумен айналыса бастады. Мәңгілік қарсыласы Аоминемен ойнағанда соңғы ең шешуші сәтте Кисе допты өз тобының капитанына береді. Мұндай сенімге толы қадам Аоминенің күрт өзгергені жайлы айтады.