Рәкүл Тәжиева

Рәкүл Тәжиева (1.5.1926, Алматы - 8.10.2000, сонда) - балет артисі, Қазақстанның еңбек сіңірген артисі (1958). 1944 ж. Алматы хореографиялық училищесін (А.А. Александров пен А.В. Селезневтің класы бойынша) бітірді. 1944 - 68 ж. Қазақ академиялық опера және балет театрында соло-биші болды. Мұнда Жизель (А.Аданның "Жизелінде"), Мария (Б.В. Асафьевтің "Бақшасарай фонтанында"), Тао Хоа (Р.М. Глиэрдің "Қызыл гүлінде"), Сванильда (Ч.Пуньидің "Эсмеральдасында"), Назым (В.В. Великановтың "Қамбар - Назымында"), Жәмила (Н.Тілендиев пен Л.Б. Степанов пен Е.Манаевтың "Достық жолыменінде"), т.б. партияларды және ұлттық опералардан жеке билерді биледі. Еңбек Қызыл Ту орденімен марапатталған.