Сайклинг-процес

Сайклинг-процес — өнімді горизонтқа газды кері айдап, оның қысымын сақтау арқылы газконденсат кенорнын игеру әдісі. Бұл үшін кенорынның өз газы пайдаланылады. Қойнауқаттық қысымды қалыпты жағдайда ұстау жатын газынан газ конденсатын түзуші, жоғары температурада қайнайтын көмірсутектердің бөлінуі нәтижесінде орын алатын ретоградтық конденсацияға кедергі жасайды. Айдалатын газ бен алынатын газдардың ара-қатынасына қарай толық сайклинг-процесті және ішінара сайклинг-процесті ажыратады. Әуелгісінде кенорыннан шығарылған барлық газ C5+ жоғарғы көмірсутектерін бөліп алғаннан кейін ұңғымаға қайтадан кері айдалады. Нәтижесінде горизонттан конденсатты бөліп алу коэффициенті 70-80%-ға жетеді. Ішінара сайклинг-процес барысында ұңғымаға өндірілген газдың бір бөлігі айдалады.