Саламалейкум

Саламалейкум (ағылш. Cyperus rotundus) - Қияқөлеңдер тұқымдасының (лат. Cyperаceae) көпжылдық шөптес өсімдігі.

Саламалейкум
Ғылыми топтастыруы
Дүниесі: Өсімдіктер Бөлімі: Жабық тұқымдылар Табы: Дара жарнақтылар Сабы: Poales Тұқымдасы: Қияқөлеңдер тұқымдасы Тегі: Cyperus Түрі: C. rotundus
Екі-есімді атауы
Cyperus rotundus L.

Ботаникалық сипаттамасы

Биіктігі 15-50 см, көп жылдық өсімдік, топырақ асты өркені тамыр түйнек тәрізді жуан.

Сабағы дара, үш қырлы, түп жағы шоғыр жапырақты. Жапырағы ұзынша, беті тегіс, сабағынан екі есе қысқа, ені 2,5 мм.

Гүл шоғы шатырша тәрізді, маусым-қыркүйекте гүлдейді. Жаңғақшасы үш қырлы сұрғылт-қоңыр, ұзындығы 1,5 мм.

Таралуы

Саламалейкум Жерорта теңізі аймағында, Кіші Азия, Африка,Үндістан, Жапония, Солтүстік және Оңтүстік Америкада, Кавказ, Орта Азия, Қазақстанда (Қызылорда облысы, Түркістан маңында, Қаратауда, Батыс Тянь-Шаньда) таралған. Құмда, өзен бойында, мақта, күріш, егістігінде өседі.

Галерея

• 
• 
• 
• 
• 

Дереккөздер

Ортаққорда бұған қатысты медиа файлдар бар: Category:Cyperus rotundus