Саламандра

Саламандра (көне грекше: σαλαμάνδρα, парсы: سمندر‎) — құйрықты қосмекенділердің өкілі. Дене пішіндері кесірткеге ұқсайды. Ұзындығы 18-28 см. Дымқыл, қараңғы тоғайларда, тау өзендерінің және бұлақтардың жағаларында (3000 м биіктікке дейін) тіршілік етеді. Дернәсілдерінің метаморфозы, (түрленіп дамуы) суда өтеді. Сондықтан дернәсерсілдері сыртқы желбезекпен тыныс алады, ал ересек дарақтарында желбезек болмайды, өкпе және терісі тыныс алу мүшелері болып енеді. Саламандра зертханалық жануар ретінде пайдаланылады.^[1]

Мекен ету орталары

Әдетте саламандралар дымқыл орманды аймақтарды мекендейді. Көп жағдайда оларды шіріген бөренелерден, таяз індерден және ормандардағы жапырақ қабаттарының астынан кездестіруге болады. Кейбір саламандралар суда өмір сүрсе, кейбіреулер қараңғы жерасты үңгірлерінде тұрады.

Қорегі

Саламандралардың көбі – етқоректі. Олар кішкене бақалармен, омыртқасыз жануарлармен, ұлулармен және құрттармен қоректенеді. Сонымен қатар, олар балықты да жей алады. Құрғақта жүргенде жәндіктермен, шырышты ұлулармен және құрттармен қоректенеді. Құрғақта өмір сүретін саламандралардың көбінің жәндіктерді ұстайтын ұзын жабысқақ тілдері болады. Кейбір саламандралар жәндіктерді ұстау үшін хамелеондар секілді тілдерін бірнеше сантиметр қашықтыққа соза алады.

Тағы қараңыз

Саламандралар тұқымдасы

Дереккөздер

↑ Орысша-қазақша түсіндірме сөздік: Биология / Жалпы редакциясын басқарған э.ғ.д., профессор Е. Арын - Павлодар: «ЭКО» ҒӨФ. 2007. - 1028 б. ISBN 9965-08-286-3

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Орысша-қазақша түсіндірме сөздік: Биология / Жалпы редакциясын басқарған э.ғ.д., профессор Е. Арын - Павлодар: «ЭКО» ҒӨФ. 2007. - 1028 б. ISBN 9965-08-286-3

[1]