Салдар

Салдар - негіз болып табылатын пікірден логикалық қажеттілікпен келіп шығатын жаңа пікір. Шартты пікірдің бір бөлігінің ақиқаттылығы осы пікірдің басқа бөлігіндегі айтылатын оймен анықталса оны негіз дейді. Мысалы, «Егерде мыс арқылы электр тогын өткізсек, онда мыс қызады» деген пікірдің «мыс қызады» деген екінші бөлігі салдар болады. Сондай-ақ салдар деп ой қорытындысы нәтижесінде бір немесе бірнеше пікірден алынатын жаңа пікірді айтады.