Салиха Канаева
Салиха Канаева (1 ақпан 1955 жыл, Шығыс Қазақстан облысы, Күршім ауданы Мөнекей ауылында туған) – «Қазақстан» РТРК» АҚ Шығыс Қазақстан облыстық филалының 1991-2013 жылдар аралығындағы тележүргізушісі, дикторы, режиссері, бас режиссері.
| Салиха Канаева | |
 Салиха Канаева | |
| Туған күні | |
|---|---|
| Туған жері |
|
| Қызметі |
«Қазақстан» РТРК» АҚ Шығыс Қазақстан облыстық филалында 1991-2013 жылдар аралығында тележүргізуші, диктор, режиссер, бас режиссер, бейнеинженер. |
| Марапаттары мен сыйлықтары |
|
Өмірбаяны
Төре руынан шыққан.
- 1971 жылы орта мектепті бітіргеннен кейін Шығыс Қазақстан облысы Күршім ауданы Жолнұсқау ауылында сегізжылдық мектепте мұғалімдік қызмет істеді.
- 1975-1981 жж. - Өскемен педагогикалық институтында оқып, география және биология мамандығы бойынша бітіріп шықты.
- 1981-1998 жж. - Шығыс Қазақстан облыстық Жамбыл атындағы интернатта аға тәлімгер, тәрбиеші болып, география, әдеп пәндерінен сабақ берді.
- 1991-1998 жж. - интернаттағы негізгі жұмысымен қатар «Қазақстан» РТРК» АҚ Шығыс Қазақстан облыстық филиалында штаттан тыс тележүргізуші болып, «Ақжолтай» сазды-бағдарламасын 10 жыл жүргізді.
- 1998-2003 жыл жж. - «Қазақстан» РТРК» АҚ Шығыс Қазақстан облыстық филиалына жұмысқа қабылданып, танымдық және сазды бағдарламалар жүргізіп, ақпаратты-саяси хабарлар мен жаңалықтарда диктор болды.
- 2002 жылы Алматы қаласындағы «Хабар» Агенттігі жанындағы телевизиялық студия мектебінен ТВ режиссурасы бойынша білімін жетілдіріп, 2003 жылдан бастап режиссер қызметін атқарды. Телевизиялық ток-шоулар, концерттік бағдарламалар түсірді, эфирге тікелей эфирлер беріп, бағдарламалар дайындады.
- 2007 жылы аға режиссер, ал 2009 жылы бас режиссер қызметіне ауыстырылып 2011 жылға дейін республикалық маңыздағы телекөпірлер, телемарафондар өткізіп, маңызды саяси іс-шаралар барысын тікелей трансляция жасады.
- 2011 жылы инженерлік-техникалық бөлімге ауыстырылып 2013 жылы зейнеткерлікке шыққанға дейін бейнеинженер болып жұмыс істеді.
Жетістіктері
- 2001 жылы Қазақстанның Іскер әйелдер қауымдастығының Өскемен қаласы бойынша өткізген «Шығыс маржаны» байқауының «Кадрдағы әйел» номинациясы бойынша жеңімпазы.
- 2005 жылы Шығыс Қазақстан облысы әкімінің, 2008 жылы «Қазақстан» РТРК» АҚ басқарама төрағасының алғыс хаттары және мақтау қағаздары.
- 2011 жылы Қазақстан Республикасының мемлекеттік марапаты «Ерен еңбегі үшін» медалінің иегері.[1][2][3]
Дереккөздер
- ↑ "Қасиетті қара шаңырақ! Для всех родной. Өскемен. 2013.
- ↑ "Жемчужина Востока" г.Усть-Каменогорск 2004 г. Совместный проект филиала "Ассоциация деловых женщин Казахстана" и Управления культуры и спорта г.Усть-Каменогорска
- ↑ Жемчужное ожерелье Востока. Ассоциация деловых женщин. г.Усть-Каменогорск. 2011 г.