Сарманқожа
Сарманқожа – Арал маңы Қарақұмының солтүстік-шығыс бөлігіндегі құмды алқап.
| Сарманқожа құмы | |
| Сипаттамасы | |
|---|---|
| Теңiз деңгейiнен биіктігі | 130 м |
| Ұзындығы | 15 км |
| Ені | 5 км |
| Орналасуы | |
| 47°17′49″ с. е. 64°01′20″ ш. б. / 47.29694° с. е. 64.02222° ш. б. (G) (O) (Я)Координаттар: 47°17′49″ с. е. 64°01′20″ ш. б. / 47.29694° с. е. 64.02222° ш. б. (G) (O) (Я) | |
| Ел |  Қазақстан |
| Аймақ | Ұлытау облысы |
| Орналасуы | Арал қарақұмының солтүстік-шығыс бөлігі |
Географиялық орны өңдеу
Ұлытау облысы Ұлытау ауданы Қоскөл ауылының оңтүстік-батысында 52 км жерде орналасқан.
Жер бедері өңдеу
Ең биік жері 130 м шамасында. Солтүстік-батыстан оңтүстік-шығысқа қарай 15 км-ге созылған, енді жері 5 км. Ұялы төбелерден, белесті құм жалдардан тұрады. Жер асты суларының жоғарғы деңгейі 2-3 м тереңдікте кездеседі. Солтүстігінде Ботабайқұм, оңтүстігінде Қосалбай, шығысында Ақсақалбелгі құмдары бар.
Өсімдігі өңдеу
Сусыма құм мен сортаң аралас қоңыр топырақ жамылғысында еркек шөп, жусан, ақ селеу, жүзгін, қияқ, шағыр, т.б. өсімдіктер өседі. Алабы мал жайылымы ретінде пайдаланылады.[1]
Дереккөздер өңдеу
- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5