Саскачеван (өзен)

Саскачеван (Saskatchewan, жергілікті үндістер тілінде - тез ағатын су)- Канаданың оңтүстігіндегі өзен.

Сеңгір тауларынан басталатын Солтүстік Саскачеван және Оңтүстік Саскачеван өзендернің қосылуынан құралады. Ұлы жазық пен Орта жазықты басып өтіп, Винипег көліне құяды. Ұзындығы 546 км (Оңтүстік Саскачеваның бастауынан 1928 км). Алабының ауданы 385 мың км². Негізінен қар суымен қоректенеді. Маусым-тамыз аралғында деңгейі күрт төмендейді. Қарашада қатып, сәуірде мұзы кетеді. Орташа жылдық су шығыны Те-Пас қаласы маңында 781 м³/сек. Алабының кеме жүзуге жарамды бөлігі 1450 км. Жер суландыруға кеңінен пайдаланылады. Солтүстік Саскачеван жағалауында Эдмонтон қаласы орналасқан.