Сасықкөл (көл, Солтүстік Қазақстан облысы)
Сасықкөл – Есіл алабындағы көл.
| Сасықкөл | |
| Морфометрия | |
|---|---|
| Теңiз деңгейiнен биіктігі | 156,7 м |
| Өлшемі | 5,6 × 2,8 км |
| Ауданы | 12,5 км² |
| Жағалау сызығының ұзындығы | 16,1 км |
| Су алабы | |
| Суды жинау ауданы | 0,5 мың км² |
| Орналасуы | |
| 53°52′13″ с. е. 68°51′59″ ш. б. / 53.87034418° с. е. 68.8664246° ш. б. (G) (O) (Я)Координаттар: 53°52′13″ с. е. 68°51′59″ ш. б. / 53.87034418° с. е. 68.8664246° ш. б. (G) (O) (Я) | |
| Ел |  Қазақстан |
| Аймақ | Солтүстік Қазақстан облысы |
| Аудан | Тайынша ауданы |
Басқа мағыналар үшін Сасықкөл (айрық) деген бетті қараңыз.Географиялық орны
өңдеуСолтүстік Қазақстан облысы Тайынша ауданы Летовочное ауылының солтүстік-батысында 15 км жерде орналасқан.
Гидрографикасы
өңдеуКөл теңіз деңгейінен 156,7 м биіктікте жатыр. Аумағы 12,5 км2, ұзындығы 5,6 км, енді жері 2,8 км, жағалау бойының ұзындыңы 16,1 км. Көл шарасының аумағы көктемгі қар жəне жауын-шашын есебінен 13,6 км2-ге дейін жетеді. Жағалауы жазық, қамыс, құрақ шоғырлары кездеседі. Көл түбіне қалыңдығы 30–50 см лай шөккен. Ең терең жері 1 м-ге жетеді. Суының көлемі 8,8 млн. м3, су жиналатын алабы 0,5 мың км2. Жазда көл шарасы кеуіп қалады немесе шалшықты батпаққа айналады. Негізінен қар, жауын-шашын суларымен толысады. Қараша айының 1-онкүндігінде суы қатып, сəуір айының 2-онкүндігінде ериді. Жағалауы мен алабы шабындық пен егістікке пайдаланылады[1].
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б. Ө. Жақып. — Алматы: «Қазақ энциклопедиясы», 2011. – 648 бет. ISBN 9965-893-70-5