Сауытты танк әскерлері

Сауытты танк әскерлері — қазіргі кездегі армияның Құрлықтағы әскерлерінің бір түрі.

Оның негізгі күші — танкілер. Сауытты танк әскерлері маневрлі, атыс қаруы күшті, шапшаң шабуылға шығып, атом қаруы қолданылган жағдайда да соғыс қимылдарын жүргізе алады. Cоғыс қимылдарының барлық түрлеріне қолданылады. Ол жаудың алыс тылына бұзып кіруге, маневрді кең қолдануға мүмкіндік береді. Сауытты танк әскерлеріге басқа әскер түрлеріне қарағанда атом каруының әсері аз болады, сондықтан ол атом каруымен соққы беріліген объектіге жақын келе алады. Танкті шабуыл ядролық карудың тигізген әсерін одан әрі арттырады.

Сауытты танк әскерлері ядролық қарудың соққысынан кейін, іле-шала қимылдап, радиоактивті заттармен зақымданған аймақтан және қирап, бүліншілікке ұшыраған аудандардан ойдағыдай өтіп, жаудың маңызды объектілері мен аудандарын басып алады. Сауытты танк әскерлері әдің жылдам қозғалуы атом шабуылы қатері туған кезде тез арада бытыраңқы орналасуға және шабуылға шығу үшін жылдам шоғырлануга мүмкіндік береді, әрі жауға үздіксіз жақындай отырып, жаудың ядролық каруды қолдануына кедергі жасайды.