Саяси-әлеуметтік өлең-жырлар

Саяси–әлеуметтік өлең–жырлар – кезеңдік поэзияның саяси мәселелерді көтеріп, әлеуметтік мақсат-мүдделерді паш ететін саласы. Қоғам өзгеріс алдында, бұқара толқыныс үстінде тұрған алмағайып кезеңде саяси әлеуметтік өлеңдердің белсенділігі арта түсетіні тарихтан белгілі. А. Байтұрсынов, М. Дулатов, М. Жұмабаевтардың отаршылдық езгісі, қазақ қамы туралы өлең–жырлары - соның айғағы. Саясат рухы, тап күресі совет дәуіріндегі ақындардың көпшілігінің-ақ өлең-жырларынан сезіледі (С.Сейфуллин, С.Мұқанов, Ә.Тәжібаев, т.б). Алайда идеологиялық қысымның ырқындағы қазақ совет поэзиясы (басқа да елдер әдебиеті сияқты) бұл тарапта ұраншылдыққа, даурықпа мақтанға көбірек ұрынып қалды.