Сағитов Абай Оразұлы

Абай Оразұлы Сағитов (18.8.1945 ж.туған, Шығыс Қазақстан облысы Жарма ауданының Шар стансасы) — биология ғылымының докторы (1988), профессор (1990), Қазақстан Ұлттық ғылым академиясының академигі (2003)^[1]. Қазақ ауыл шаруашылығы институтын (қазіргіҚазақ ұлттық аграрлық университеті) бітірген (1968). 1968 — 88 ж. Қазақ Өсімдік қорғау ғылыми-зерттеу институтында, 1988 — 2001 ж. Қазақ ұлттық аграрлық университетінде ғылыми-педагог, басшылық қызметтер атқарды. 2001 жылдан Қазақ Өсімдік қорғау ғылыми-зерттеу институтының директоры^[2]. Сағитовтың ғылыми жұмыстары ауыл шаруашылық дақылдарын зиянды организмдерден қорғау шараларын ұйымдастыруға арналған. Оның қатысуымен ауыл шаруашылығы дақылдарының нематофаунасының бірнеше іргелі ғылыми зерттеулері жүргізілді; жұмырқұрттарға қарсы шараларды интеграциялаудың теориялық және практикалық негіздері қаланды^[3]. Сағитов ТМД елдерінде тұңғыш рет фитонематодтардан келетін шығынды болжау моделін құрудың концептуалды принциптерін ойластырған, сызықты экспоненциялды болжамдық моделінің жаңа алгоритмін және параметрлерін есептеу бағдарламасын жасаған. 250-ден аса ғылыми еңбектің авторы. Медальдармен марапатталған ^[4].

Дереккөздер:

↑ Қазақ энциклопедиясы, 7 - том
↑ Ауылшаруашылық фитопатологиясы, А., 2000;
↑ К проблеме контроля численности вредных саранчовых Казахстане //Вестник сельскохозяйственной науки Казахстана, А., ғ6, 2001;
↑ Защита растений в Казахстане: проблемы и перспективы //Материалы международной научно-практической конференции “Актуальные проблемы защиты растений в Казахстане”, А., 2001.

[1] Қазақ энциклопедиясы, 7 - том

[2] Ауылшаруашылық фитопатологиясы, А., 2000;

[3] К проблеме контроля численности вредных саранчовых Казахстане //Вестник сельскохозяйственной науки Казахстана, А., ғ6, 2001;

[4] Защита растений в Казахстане: проблемы и перспективы //Материалы международной научно-практической конференции “Актуальные проблемы защиты растений в Казахстане”, А., 2001.

[1]

[2]

[3]

[4]