Свабтау (піскектеу)

Свабтау (піскектеу) - сұйықтың деңгейін төмендету арқылы ұңғыманы игеру тәсілдерінің бірі. Су ұңғымаларын, мұнай ұңғымаларын, тоғыту ұңғымаларын игеру үшін пайдаланылады. Кері қақпақ орнатылған сваб (піскек) ауырлатылған штангасы және тығыздаушы манжетімен бірге ұңғыманың сораптық-компрессорлық құбырына түсіріледі. Піскекті (свабты) түсірерде кері клапан ашық тұрады, бұл піскектің сүйыққа еркін батуына мүмкіндік береді. Піскекті көтергенде қақпақ жабылады да піскек үстіндегі сұйық көтеріле ығысып жоғары шығарылады. Свабтау арқылы ұңғымадағы судың деңгейі мен ұңғыма оқпаны түбіндегі қысым төмендейді, бұл ұңғымаға жаңа өнімнің құйылуына және оны тиімді игеруге мүмкіндік береді.