Севиль Шайдех
Севиль Шайдех (рум. Sevil Shhaideh, 1964 жылы 4 желтоқсанда туған, Констанца, Добруджа) — Румыния экономисі және саясаткері.[1]
| Севиль Шайдех | |
| Sevil Shhaideh | |
.JPG) | |
| Туған күні |
4 желтоқсан 1964 (59 жас) |
|---|---|
| Туған жері |
Констанца, Румыния |
| Білімі |
Экономикалық ғылымдар академиясы, Бухарест |
| Ғылыми дәрежесі | |
| Діні | |
| Партиясы |
Социал-демократиялық партия |
Өмірбаяны
өңдеуОл 1964 жылы 4 желтоқсанда Констанца қаласында (Румынияның оңтүстік-шығысындағы Добружа аймағындағы Констанца уезінің әкімшілік орталығы) дүниеге келген. Әкесі түрік, шешесі қырым татары.
Білімі бойынша – экономист. 1987 жылы Бухарестегі Экономикалық ғылымдар академиясының экономикалық жоспарлау және кибернетика факультетін бітірген. 2007 жылы Констанца қаласындағы Овидия университетінде бизнес жобаларды басқару (диссертация тақырыбы – «Жобаның циклін басқару, жобаны негіздеу, аудит, сапа менеджменті») магистрі дәрежесін алды. Сондай-ақ, ол бірқатар біліктілікті арттыру курстарынан өтті, атап айтқанда мемлекеттік басқару (1995 ж.) және ғылыми-өндірістік бірлестік (2001 ж.; Халықаралық даму жөніндегі агенттік; USAID; Вашингтон, АҚШ) саласындағы сарапшы, жобалардың жетекшісі (2002 ж. және 2004 ж.; Oracle University және PM Solutions Romania; Румыния) болып табылады.
Еңбек жолдары
өңдеу1987-1991 жж ауыл шаруашылығын механикаландыру тресінде бағдарламашы-талдаушы болып жұмыс істеді. 1991-2012 жылдары Констанца уезінің жергілікті өзін-өзі басқару органдарында әртүрлі лауазымдарды атқарды. 1991-1993 жылдары уездің Еңбек және әлеуметтік қорғау басқармасында ақпараттық жүйелерге жауапты болды. 1993-2007 жылдары уезд Кеңесінің Ақпараттық жүйелер жөніндегі директоры болды. 2007-2012 жылдары жобалар жөніндегі бас директоратты басқарды, сондай-ақ уездердің румын кеңестері ұлттық одағының үйлестірушісі болды.
2012-2015 жылдары Виктор Понтаның Үкіметінде Өңірлік даму және мемлекеттік басқару министрлігінде мемлекеттік хатшы қызметін атқарды. 2015 жылдың мамыр-қараша айларында министрлікті басқарды. Ол Румынияның жаңа тарихындағы (1989 жылдан бері) исламды ұстанатын алғашқы министр болды. Қазіргі уақытта Өңірлік даму және мемлекеттік басқару министрлігінің кеңесшісі.
2015 жылы Социал-демократиялық партияға (СДП) кірді. 2016 жылғы 21 желтоқсанда Румыниядағы парламенттік көпшілік коалициясы, оның құрамына СДП және Либералдар мен демократтар альянсы кірді, бұл елдің премьер-министрі лауазымына Севиль Шайдехтың кандидатурасын ұсынды. 27 желтоқсанда президент Клаус Йоханнис оның кандидатурасын қабылдамады. Егер тағайындалғанда, ол Румыния тарихындағы алғашқы әйел, сондай-ақ Еуропалық Одақ тарихындағы алғашқы мұсылман әйел болтын еді.
2017 жылғы 4 қаңтарда Сорин Гриндяну Үкіметіндегі Премьер-Министрдің орынбасары, Аймақтық даму, мемлекеттік басқару және еуропалық қорлар министрі болып тағайындалды. 13 қазанда қызмет бабын асыра пайдаланды деген күдікке байланысты отставкаға кетті.[2]
Жеке өмірі
өңдеуШайдех отбасы сунниттік және ханафилік мұсылман және Румынияда бұрыннан қалыптасқан түрік және татар этникалық азшылықтарына жатады. Оның анасы түрік тарихшысы Кемал Карпаттың жиені. Ол сириялық кәсіпкер Акрам Шайдехке тұрмысқа шыққан. 2015 жылдың шілде айындағы қаржылық мүдделері туралы декларацияға сәйкес, ерлі-зайыптылардың Сирияда үш мүлкі бар, біреуі Латакияда және екеуі Дамаскіде.[3]
Дереккөздер
өңдеу- ↑ Танымал адамдардың өмірбаяндары https://www.peoplelife.ru/323564(қолжетпейтін сілтеме)
- ↑ Шайдех, Севил https://tass.ru/encyclopedia/person/shaydeh-sevil?utm_source=yandex.kz&utm_medium=organic&utm_campaign=yandex.kz&utm_referrer=yandex.kz
- ↑ Севиль Шайде https://www.hmong.press/wiki/Sevil_Shhaideh(қолжетпейтін сілтеме)