Сейтхазин Саттар

Сейтхазин Саттар (1927-1999) -Көкшетау облысы, Көкшетау ауданы, Қарасай ауылында дүниеге келген. . Қарағанды қаласындағы оқытушылар институтын тәмамдаған.

1947—1951 жж. Көкшетау облысындағы орта мектептерде қазақ тілі мен әдебиеті пәндерінен сабақ беpiп, ұстаздық еткен.

12 жастағы жетім бала  колхозда  жұмыс істейді. Нағашысы  Қазыбаев Сейітмағанбет  атамыздың бауырында өсіп, жастайынан өлең шығаруға  әуестенеді. Сөз қадірін білетін нағашысының әңгімешілдігі, жиенінің жүрек тәрбиесін дұрыс қалыптасуына ерекше ықпал  еткендігі байқалады. Сөз өнеріне Саттар атамыз бала кезінен құмартып, бірден-ақ көзге шалына  бастайды.

Саттар ауылындағы  7 жылдық  мектепті бітіргеннен  кейін Көкшетау  қаласындағы №3 қазақ орта   мектебінің жанындағы  балалар үйінде, кейіннен мектеп – интернатта оқып, тәрбиеленеді.

1945 жылы 18 жасында  оқуын  бітіргеннен кейін  Қарағанды қаласындағы  оқытушылар  институтын тәмәмдаған. 1947 жылы оқуын аяқтап Көкшетау  облысындағы 1951 жылға  дейін қазақ  тілімен, қазақ  әдебиетінен мұғалім  болады.

1951 жылы Алматыға келіп, "Мектеп" баспасында редактор, аға редактор,Қазақ КСР Жазушылар одағының кеңесшісі, Қарағанды телевидениесінде аға редактор, Қазақ телевидениесінің саяси хабарлар редакциясының аға және бас редакторы, "Жазушы" баспасында аға редактор болған.

"Тарих" атты алғашқы өлеңі 1947 жылы"Советтік Қарағанды" газетінде жарық көрген. Көптеген өлеңдері орыс, алтай, қарақалпақ, поляк, т.б. тілдерге аударылған. Аудармашы ретінде А.Адаровтын, С.Даниловтың, Н.Дамдиновтын, басқа да Көптеген ақындардың өлең-жырларын қазақшалап, жеке кітап етіп шығарған.