Сейфуллин даңғылы (Алматы)

Сәкен Орынбекұлы Сейфуллин.jpg

Сейфуллин атындағы даңғыл. Даңғылға көрнекті мемлекет және қоғам қайраткері, көркем сөздің хас шебері, қазақтың дауылпаз ақыны, сталиндік репрессияның құрбаны Сәкен Сейфуллиннің есімі (Алматы қаласы атқару комитетінің 25.01.1962 №2 шешімі) берілген. Сейфуллин Сәкен (Сәдуақас) (1894-1938) Ақмола уезінде дүниеге келген. Ол 1922 жылдан 1925 жылға дейін Қырғыз (Қазақ) АКСР-І Халық Комиссарлары Кеңесінің төрағасы, Бүкілодақтық Орталық атқару комитетінің (БОАК) мүшесі болды. Ол - «Бақытқа жол», «Қызыл қырандар» пьесаларының, «Домбыра», «Экспресс», «Өмір толқынында» атты кітаптарының, «Көкшетау», «Айырылған аққулар», «Альбатрос» поэмаларының, «Айша», «Жемістер», «Жер қазғандар» повестерінің, «Тар жол, тайғақ кешу» романының авторы.

Даңғыл Түрксіб, Жетісу, Алмалы, Бостандық аудандарын қиып өтеді. Солтүстіктен оңтүстікке қарай Алматы-1 темір жол вокзалынан басталып, Әл Фараби даңғылына дейінгі аралықта созылып жатыр. Даңғылдың ұзындығы - 11060 метр.[1]

ДереккөздерӨңдеу

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0