Сейітмантөбе

Сейітмантөбе – ерте ортағасырлық қоныс орны, Түркістан облысының жергілікті маңызы бар тарих және мәдениет ескерткіштері тізіміне енген археология ескерткіші.

Орналасқан жері

Отырар ауданы, Көкмардан ауылынан 5 км оңтүстікте орналасқан.

Деректер

1970 жылы Отырар археологиялық экспедициясы (жетекшісі К. Ақышев) зерттеген.
Қалашықтың орталық бөлігі дөңгелек келген диаметрі 50 м, биіктігі 3 м төбешік. Сейітмантөбеде арнайы қазба жұмыстары жүргізілмеген. Жинастырылған қыш ыдыстардың сынықтары Отырар алқабындағы қалалар мен қоныстардан алынған материалдарға, оның ішінде Оңтүстік Қостөбе қалашығындағы тұрмыстық-шаруашылық заттарға өте ұқсас.