Сейіт медресесі - шамамен XVIII ғ.-дың 60 ж. қалыптасқан, 80 ж. мұнда ІІ Екатеринаның жарлығымен Азия мектебі ашылған. Сейіт медресесі Орал, Торғай облыстарындағы ауылдық мұсылмандық мектептерді үздік бітірген балалар қабылданатын болған. Мысалы, 1903 ж. Ақтөбе у. Елек, I-Бөрте, Қаратоғай, Теректі, Тұзтөбе болыстарынан, Темір у. - Қарағанды, Ойыл, Ырғыз у. - Құланды болыстықтарынан барлығы 30 оқушы жіберілген. 1910 ж. олар медресені бітіріп, ауылдық молда құқығымен балаларды оқытуға куәлік алған. Медресені үздік бітірген Маменов Мұхамбетияр, Мұхаммадиев Мұхамбетжан өз болыстықтарында медресе ашуға рұқсат алған. Сейіт медресесі Ақтөбе, Ырғыз, Темір уездерінен жылына 20-30 жастар бітіріп отырған. Олар жастарға ислам дінін насихаттап, имандылық тәрбие берумен айналысқан. [1]
- ↑ Ақтөбе: энциклопедия. - Ақтөбе, 2001. - 748 бет
