Селин Дион
Селин Дион (1968 жылы 30 наурызда туған) – канадалық әнші. Квебек провинциясындағы көп балалы отбасылардың бірінде туған. Отбасының кенжесі. Ата-анасы музыкант болғандықтан, Селин киелі сахнаға ерте жастан-ақ аяқ басты.
| Селин Дион Céline Dion | |
 | |
| Негізгі ақпарат | |
|---|---|
| Толық аты |
Селин Мари Клодетт Дион |
| Туған күні | |
| Туған жері |
Шарлемань (Квебек) |
| Белсенділік жылдары |
1980 — қазіргі уақыт |
| Мемлекет | |
| Мамандықтары |
әнші, актриса, әндер авторы |
| Жанрлары | |
| Лейблдері | |
| Ресми сайты | |
Өмірбаяны өңдеу
12 жасында Селин өзінің тұңғыш әнін анасының көмегімен жазып шығып, әнді танымал француз әншісі Женет Реноның альбомынан табылған мекенжайға жолдайды. Ол ән менеджер Анжелилдің қолына түседі. Анжелилден жауап болмаған соң, Селиннің ағасы телефон арқылы хабарласып: «Сіздің кассетаны тыңдамағаныңызға сенімдімін, егер тыңдаған болсаңыз, дереу бізге хабарласатын едіңіз!» дейді. Әнді тыңдаған күні-ақ Анжелил Селинді өзінің кеңсесіне шақырады. Селиннің әнін өз аузынан тыңдағанда, менеджер өзін ұстай алмай, толқып, жылап жіберген деседі.
Анжелил Селиннің тұңғыш табынушысы еді. Осыдан кейін Селин күллі әлемді әнімен, өнерімен жаулау жолына түсті. Осынша ерекше дарынға куә болған Анжелил көп ойланбастан Селиннің альбомын шығару үшін үйін сатып жібереді. Анжелилдің бұл сенімі далаға кеткен жоқ. Бұл альбом Канадаға кеңінен таралып, жас Селин 1982 жылы Жапониядағы сазгерлер байқауының жүлдегері атанды.
Селин 18 жасында Майкл Джексонды теледидардан көріп, менеджеріне: «Менің де осындай атақты болғым келеді!» деп айтқан деседі. Осыдан кейін менеджері Селиннің сыртқы келбетін ретке келтіріп, шашын кестіріп, ағылшын мектебіне жаздырады.
Марапаттары өңдеу
- 1988 жылы әнші Felix Awards жүлдесін қанжығасына байлайды.
- 1988 жылы Дублинде өткен Евровидения байқауында 600 миллион көрерменнің алдында ән шырқап, бас жүлдені жеңіп алады. Осы жылы Селин мен менеджерінің арасындағы қарым-қатынас іскерлік қарым-қатынас шеңберінен шығып, бірнеше жылдан соң, екеуі некеге тұрады. Аралары 26 жас болса да, бұл екеуі жалпақ әлемге шынайы махаббаттың бар екенін дәлелдеді.
- 1990 жылы ол өзінің тұңғыш ағылшын тіліндегі альбомын жазып шығады. Альбомдағы «Where Does My Heart Beat Now» әні АҚШ-тың ең үздік ТОП-5 әнінің қатарына кіреді.
Нағыз атақ Дионға Пибо Брисонмен бірге шырқаған «Beauty and the Beast» (мультфильм саундтрегі) әнінен кейін келеді. Бұл ән арқыны Селин Дион Грэмми мен Оскар жүлделерін қатарынан жеңіп алды.
- 1996 жылы әншінің «Falling into You» атты альбомы жарық көріп, америкалық сатылымда көш бастайды. Альбомда әлсіз деген ән болмады. Күллі дерлік әні хитқа айналды. Ол ол ма, Селин Дионды күллі әлем көз тіккен Атлантадағы олимпиадалық ойындарға ән айту үшін шақырды.
- 1997 жылы Джеймс Камеронның «Титаник» фильміндегі «My Heart Will Go On» атты әні әншінің шығармашылық жолына үлкен белес алып келді. «My Heart Will Go On» композициясын әнші 1998 жылғы Грэмми салтанатты кешінде қатарынан екі рет айтып, ән «Жыл әні» атағына ие болды. Оскар табыстау кешінде де Селин Дион киноға арналған ең мықты музыкалық тақырыбы үшін екінші рет Оскар алды.[1]