Семангтар

Негрито халқының қосалқы тобы

Семангтар (өз атаулары — меник, менди, моник, нгок)[1]Малайзияның солтүстігі мен Тайландтың оңтүстігінде тұратын тайпалар тобы. Малакка түбегінің орталық бөлігін мекендеген ежелгі тұрғын халықтардың ұрпағы, антропологиялық жағынан аласа бойлы аустралиялық нәсілге жатады. Жалпы саны 8 мың адам.[2]

меник, менди, моник, нгок
Семангтар
Бүкіл халықтың саны

8 000

Ең көп таралған аймақтар

 Малайзия  Тайланд

Тілдері

мон-кхмер тілі

Діні

дәстүрлі сенімдер

Тілі өңдеу

Тілі мон-кхмер тіліне жатады.[3]

Діні өңдеу

Дінге сенушілердің діни наным-сенімдері: дәстүрлі сенімдерді ұстанады.[4]

 

Кәсібі өңдеу

Негізгі кәсібі - терушілік, аңшылық және балық аулау, тек 20 ғасырда олардың кейбіреулері қолмен атқарылатын егіншілікке, отырықшы өмір салтына көше бастады. Теріммен, егіншілікпен әйелдер, аңшылықпен ерлер айналысады. Бамбук өңдеу дамыған, қыш және тоқыма өнері жоқ. Малайлықтар арасында бағалы ағаш, шайыр, т.б. күріш пен темір өнімдеріне айырбастау дамыған. Кокос, күріш, гевея, кофе, т.б. өсіреді.[5]

Өмір салты өңдеу

Семанг тайпалары ортақ аумақ пен мүлікке иелік ететін экзогамиялық туысқан топтарға бөлінеді, оларды ақсақалдар кеңесі және көбінесе бақсы емшісі қызметін атқаратын көсем – қарт адам басқарады.

Үйлерін шатыры пальма жапырақтарымен жабылған бамбук ағашынан тұрғызады. Кейде - қадаларда орналасқан үйлер, егіншілікпен айналысатын семангтар арасында - малай типіндегі қадалардағы үйлер басым.

Киімдері – қабықтан немесе ротаннан жасалған кеудені жауып тұратын мата бөлігі. Әйелдер татуировка мен бет-әлпетін бояйды, тістер мен мұрынды тесу әдеттері тән.

Дереккөздер өңдеу

  1. Современная энциклопедия - семанги http://www.terminy.info/literature/modern-encyclopedia/semangi
  2. Толковый словарь русского языка. https://sanstv.ru/dict/%D1%81%D0%B5%D0%BC%D0%B0%D0%BD%D0%B3
  3. Значение слова СЕМАНГИ в Большой советской энциклопедии, БСЭ https://slovar.cc/enc/bse/2040103.html
  4. Современная энциклопедия СЕМАНГИ https://rus-modern-enc.slovaronline.com/10180-%D0%A1%D0%95%D0%9C%D0%90%D0%9D%D0%93%D0%98
  5. Народы мира, Энциклопедический справочник, М., 1988.