Семей қаласындағы аспалы көпір
Семей қаласындағы аспалы көпір — 2000 ж. 17 қазанда салынған. Ертіс өзені арқылы өтетін аспалы көпір құрылысының жобасын ұсынған жапондық Ishikawajima-Harima Heavy Industries Co., Ltd. (жапонша атауы 石川島播磨重工業株式会社 ) компаниясы.
| Семей қаласындағы аспалы көпір | |
 | |
| Қолдану аясы |
автокөлік, жаяу жүргіншілер жолы |
|---|---|
| Қиып өтеді |
Ертіс өзенін |
| Құрылым | |
| Материал |
болат |
| Жалпы ұзындығы |
1086 м |
| Көпір ені |
35 м |
| Құрылым биіктігі |
90.5 м |
| Қозғалыс бағыттары |
6 жолақты трасса |
| Эксплуатация | |
| Құрылыстың басталуы |
1998 |
| Құрылыстың аяқталуы |
2001 |
| Ашылуы | |
| Семей қаласындағы аспалы көпір Ортаққорда Үлгі:Мақалалар бойынша санат | |
Тарихы
1998 жылы Үкімет жаңа көпір құрылысын бастауға шешім шығарды. Көпір құрылысымен, негізінен, жапондық «IHI Corporation» фирмасы айналысты. Жапонияда жасалған көпір қаңқалары алдымен су жолымен, сосын теміржолмен Семейге тасымалданған. Жалпы, екі ел арасындағы келісімге қарай, Жапония мемлекеті көпір құрылысына 165 млн доллар бөліпті. Бұл қаржыны 2,7 пайызбен 30 жылда қайтару мәселесі де алдын ала пысықталған. Ал Түркияның «АлсимАларко» фирмасы көпірге келіп тірелетін ұзындығы 16 шақырым жол құрылысын жүргізумен шұғылданды. Осы арада айта кету керек, жаңа көпірдің үстіне табиғи асфальт төселген. Бұл асфальт, білетіндердің айтуынша, Кариб бассейніндегі Трининад көлінен арнайы тасып жеткізілген көрінеді. Сонымен қатар көпір құрылысы жұмыстарына өз елімізден 30-ға жуық фирмалар қатысса, жұмысшылардың 90 пайызын жергілікті азаматтар құрапты. Көпір құрылысы белгіленген мерзімнен бұрын бітіп, 2000 жылдың қазан айында пайдалануға берілді.
Сипаттамасы
Биіктігі - 90 метр
Ені - 35 метр
Ұзындығы - 750 метр
Пайдалану кепілдігі - 200 жыл
Қызықты деректер
- Бұл көпір Ертістің арғы жағы мен бергі жағын ғана емес, Азия мен Еуропаны, қыр мен Сібірді жалғастырып жатыр. Бұл дегеніміз — Семейдегі аспалы көпір стратегиялық маңызы зор нысан деген сөз.
- Қазақстандағы тіреулері арасындағы қашықтығы 300 м-ден асатын жалғыз аспалы көпір болып саналады.
Дереккөздері
- Алаш айнасы
- Семей қаласының кітапхана орталығы Мұрағатталған 7 наурыздың 2016 жылы.
- Y Vision