Сергей Иванович Рахманин
Сергей Иванович Рахманин (укр. Сергій Іванович Рахманін; 17 сәуір 1969 жыл, Харьков, Украина КСР) — Украиналық саясаткер, журналист, публицист және тележүргізуші, беделді саяси сарапшы, «Зеркало недели» газеті бас редакторының орынбасары, IX шақырылымдағы Жоғарғы Рададағы «Голос» партиясы фракциясының жетекшісі.
| Сергей Иванович Рахманин | |
| Сергій Іванович Рахманін | |
 | |
| Туған күні | |
|---|---|
| Туған жері | |
| Білімі |
Т.Г. Шевченко атындағы Киев ұлттық университеті |
| Партиясы |
Голос |
| Мансабы |
саясаткер, журналист, публицист және тележүргізуші |
| Жұбайы |
Кира Юрьевна Ивашова |
| Балалары |
Варвара (1996) және Юстина (2005) |
Өмірбаяны өңдеу
Сергей Иванович Рахманин 1969 жылы Харьков қаласында дүниеге келген. Жастайынан журналистикаға әуестеніп, 14 жасында «Молодая гвардия» газетінің штаттан тыс тілшісі болды. Басылымда 1992 жылға дейін жұмыс істеді (1990 жылдан Рахманин Киев газетінің тұрақты тілшісі болды).[1] 1986 жылы Тарас Шевченко атындағы Киев ұлттық университетіне қабылданып, журналистика мамандығы бойынша білім алып, 1993 жылы бітірді. Оқуымен қатар ол штаттан тыс тілші қызметін атқарды. Оқуын бітіргеннен кейін әскерде қызмет етті.[2]
Қызметі өңдеу
- 1983 - 1990 - Киевтегі «Молодая гвардия» газетінің штаттан тыс тілшісі болып жұмыс істеді.
- 1991-1992 жылдары - «Молодая гвардия» газетінің тілшісі.
- 1992-1998 жж. - «Киев Ведомостысы» газетінде репортерліктен бас редакторының орынбасарына дейін жұмыстар атқарды.
- 1998 - 2018 жылдары - «Зеркало недели» газетінің саясат бөлімінің редакторы.
- 2001 ж. – «Хартия-4» қоғамдық ұйымын құрды.
- 2014 ж. - Святослав Вакарчукпен және басқалармен бірге ол «Болашақтың адамдары» қоғамдық ұйымын құрды.
- 2014 - 2019 - ZIK телеарнасындағы «Игра классика» бағдарламасының жүргізушісі.
- 2018 - 2019 - Radio NV радиосында "Апокриф" бағдарламасының жүргізушісі.
- 2018 – 2019 жылдары – «Зеркало недели» газеті бас редакторының орынбасары.[3][4]
Саяси карьера өңдеу
- 2002-2006 – «Біздің Украина» партиясының халық депутаты Виктор Мусикаканың қоғамдық көмекшісі болып жұмыс істеді.
- 2007-2012 – Юлия Тимошенко блогының халық депутатының Владимир Филенконың қоғамдық көмекшісі болып жұмыс істеді.
- 2019 жылы – «Голос» партиясынан Украина Жоғарғы Радасына депутат болып сайланды (№8 тізім). Рахманин 9-шақырылымдағы Жоғарғы Рада жұмысының бірінші күнінде осы саяси күштің парламенттік фракциясының төрағасы болып тағайындалды.
Рахманин Украинаның аумақтық тұтастығын қалпына келтіру және егемендігін қамтамасыз ету жөніндегі мемлекеттік саясатты қалыптастыру және іске асыру мәселелері жөніндегі уақытша арнайы комиссияның төрағасы, сондай-ақ Украинаның Ұлттық қауіпсіздік, қорғаныс және барлау мәселелері жөніндегі Жоғарғы Радасының комитетінің мүшесі болып табылады.[5]
Марапаттары өңдеу
- Бүкіл украиналық журналистика фестивалінің лауреаты (1997).
- «Жыл адамы – 99» ұлттық бағдарламасының «Жыл журналисі» номинациясының жеңімпазы.
- Бүкіл украиналық журналистика фестивалінің лауреаты (1999).
- «Жыл адамы - 97», «Жыл адамы - 2001» бағдарламаларының лауреаты.
- «Журналистік пікір» байқауының жеңімпазы (2001), «Журналистік пікір» байқауының лауреаты (2002).
- «Алтын тұяқ» бірінші жалпы украиналық саяси сатира байқауының лауреаты (2002).
- Александр Кривенко атындағы «Журналистикадағы жетістіктері үшін» сыйлығының иегері (2004).
- «Дебют» номинациясы бойынша Телетриумф сыйлығының иегері (2008).[6]
Дереккөздер өңдеу
- ↑ Рахманин https://www.rbc.ua/ukr/dossier/sergey-rahmanin-03102019
- ↑ Сергей Иванович Рахманин: өмірбаяны https://znaj.ua/ru/dossier/174-sergiy-ivanovich-rahmanin-dosye-biografiya-kompromat#karera-i-biznes
- ↑ Рахманин Сергей https://parlament.ua/ru/dossier/rahmanin-sergej/
- ↑ Рахманин Сергей https://file.liga.net/persons/rahmanin-sergey
- ↑ Рахманин Сергей https://regionews.ua/rus/dossier/rahmanin-sergey-04112020
- ↑ Рахманин Сергей Иванович https://rus.lb.ua/file/person/4638_rahmanin_sergey_ivanovich.html