Сергей Степанович Лоскутников

Сергей Степанович Лоскутников - 1951 жылы 20 қыркүйекте РКФСР Чита облысы Қырын ауданы Любовь кентінде туған. Қазақ мемлекеттік дене шынықтыру институтын бітірген (1973), жаттықтырушы-оқытушы.

• 1973 жылдан - Қарағанды дене шынықтыру және спорт техникумында коньки тебу спортынан оқытушы.
• 1981 жылдан - «Еңбек» ЕСҚ облкеңесінің жанындағы МБЖСМ коньки тебу спортынан жаттықтырушы-оқытушы.
• 1992 жылдан - облыстық Жоғарғы спорттық шеберлік мектебінде коньки тебу спортынан жаттықтырушы-оқытушы.
• 2001 жылдан - ОРОБЖСМ коньки тебу спортынан, велоспорттан жаттықтырушы-оқытушы.
• 2003 жылдан - ҚР тәуелсіздігінің 10 жылдығы атындағы қысқы спорт түрлері бойынша ОРОБЖСМ конькимен жылдам сырғанаудан жаттықтырушы-оқытушы.
• 2006 жылдан бері - «Жоғарғы спорттық шеберлік мектебі» MM коньки тебу спортынан, шорт-тректен жаттықтырушы-оқытушы. Коньки тебу спортынан және шорт-тректен біліктілігі жоғары деңгейдегі жоғары санаттағы жаттықтырушы. IV қысқы Азия ойындарының чемпионы (1999) Бикчентаев Радикті; коньки тебу спортынан жасөспірімдердің Әлем кубогының күміс және қола жүлдегері Айдова Екатеринаны тәрбиелеген.

Сүйіп оқитын әдебиеті - детективтер, фантастика. Үйленген. Жұбайы - Лоскутникова Ольга Демьяновна (1949 ж. т.). Қызы - Шмарина Наталья Сергеевна (1972 ж. т.).