Сидзо Канакури

Сидзо Канакури (жап. 金栗 四三|Kanaguri Shisō or Kanakuri Shizō) — 20 тамыз 1891 жыл – 13 қараша 1983 жыл — жапония марафоншысы, Жапонияда оны "марафонның әкесі" деп атайды.

Сидзо Канакури
Жеке мағлұматтар
Азаматтығы	Жапония
Туған күні	20 тамыз 1891 (1891-08-20)
Туған жері	Тамана, Жапония
Қайтыс болған күні	13 қараша 1983 (1983-11-13) (92 жас)
Қайтыс болған жері	Тамана, Жапония
Бойы	1,70
Салмағы	64

Өмірбаяны

Сидзоны жапон тілінен аударғанда "43" деген санды білдіреді. Сондықтан да оның өмірі марафон (42 шақырым 195 метр) қашықтығымен тікелей байланысты. ⠀⠀

1911 жылы Жапонияда Олимпиадаға іріктеу кезеңінде Сидзо Канакури марафонды 2:35:42 уақытта жүгіріп өтеді. Ал сол сәттегі әлемдік рекорд 2 сағат 40 минут болғандықтан, жапон газеттері оқиғаны әлемге жар салады. Алайда бұл қашықтық 42 шақырымға (40 шақырым) сәл жетпегендіктен, бұл оқиғаны әлемдік рекорд ретінде ешкім мойындай қоймады. ⠀

1912 жылы жапон спортшысы Швециядағы Олимпиадада өзінің рекордын дәлелдегісі келіп, 3 аптада Стокгольмге жетеді. ⠀

Бірақ 1-ші орынға басты үміткер Сидзо жарыс барысында Еуропаның ыстығына шыдамай, жолай орналасқан үйден су ішпекші болады. Дегенмен, үйге жеткенде ыстықтан қалжыраған Сидзо шаршап, ұйықтап кетеді. Үй иесі де оны оятпай, 1 күн өткен соң шығарып салады. ⠀

Бір қызығы, жарыс ұйымдастырушылары да жапон спортшысын іздемеген. Нәтижесінде Сидзо ескертусіз Жапонияға қайтып кетеді. ⠀

Тек 1967 жылы швед журналистері бұл оқиғаны еске түсіріп, 76 жасар Сидзо Канакуриге (6 баласы бар) марафонды аяқтауға ұсыныс тастайды. Ол бірден келіседі. Осылайша, Сидзо қалған 10 шақырымдай жолды жүгіріп, 1912 жылғы Олимпиаданың марафонына нүкте қойды.

Тағы қараңыз

• 1912 жылғы Жазғы Олимпиада ойындары

Сілтемелер

• Sports Illustrated. April 3, 1967

Ортаққорда бұған қатысты медиа санаты бар: Shiso Kanaguri