Синкреттік

Синкреттік, синкретизм (гр. syncretismos - біріктіру) — "жігі ашылмаған", "біте қайнасқан" деген сөз тіркестерінің синонимі болып табылатын бұл ұғым қандай да болмасын құбылыстың жетіле қоймаған бастапқы күйін білдіреді. Ұғым көбінде алғашқы қауымдық немесе архаикалық мәдени кезеңге байланысты көп қолданылады. Өйткені дәл осы мәдени кезеңде мәдениет салаларының жіктелінбегенін байқаймыз. Қазіргі кезде бұл термин эстетика, өнертану, мәдениеттану салаларында әр түрлі өнер түрлерінің элементтерінің бірлестігімен айқындалады.