Синхронды компенсатор
Синхронды компенсатор – электр желілері мен электр энергиясын тасымалдау линияларында кернеуді реттеуге және қуат коэффицентін арттыруға арналған әрі активті жүктемесіз жұмыс істейтін синхронды электр двигателі.
Жұмысы өңдеу
Электр желісіндегі жүктеменің шамасына және оның сипатына (индуктивтік не сыйымдылық) қарай тұтынушының кернеуі де өзгеріп отырады. Егер электр желісі жүктемесінің мәні үлкен әрі индуктивтік сипатта болса, онда тізбекке аса қозған режимде жұмыс істейтін синхронды компенсатор қосылады. Мұның өзі тізбекке сыйымдылық жүктемесін қосумен пара-пар болады. Ал электр энергиясын алысқа аз шығынмен тасымалдау кезінде линияға жеткілікті дәрежеде қозбаған синхронды компенсатор қосылады. Тізбектегі кернеу қозу тоғын реттеу арқылы тұрақтандырылып отырылады. Синхронды компенсатор 100 киловатт не одан да жоғары қуатқа арналып жасалады.
Салқындатылу жолдары өңдеу
Қуатты синхронды компенсатор сутекпен және сумен салқындатылады.
Қолданылуы өңдеу
Синхронды компенсатор негізінен қосалқы электр станцияларында қолданылады.[1]
Дереккөздер өңдеу
- ↑ Қазақ ұлттық энциклопедиясы 3-ші том.
Сыртқы сілтемелер өңдеу
- http://reftrend.ru/error404.php Мұрағатталған 6 сәуірдің 2015 жылы.