Сионшылдық

Сионшылдық, сионизм (Иерусалим қаласындағы Сион жотасының атауынан шыққан) — еврейлердің халықаралық саяси қозғалысы. 19 ғасырдың соңында пайда болды. Қозғалыстың мақсаты Палестина жерін толық қамтитын Израиль мемлекетін құру. Олардың жоспары бойынша мемлекет орталығы еврей халқы үшін қасиетті Иерусалим сарайының қалдығы тұрған Сион жотасы болу керек. Сионшылдық палестиналық арабтарға қарсы геноцидтік саясатты уағыздайды, түпкілікті мақсаты — Иерусалим мен бүкіл Палестина жерін арабтардан тазарту. Сионшылдықтың шығуына бір жағынан Еуропа елдерінде еврейлерді қуғындаудың, ұрып-соғудың етек алуы түрткі болды. 19 ғасырдың аяғында еврейлерді жазалау, жаппай қуғындау Ресей мен Польша елдерінде орын алды. 20 ғасырдың 1-жартысында антисемитизм Германияда күшейді. 2-дүниежүзілік соғыстан кейін еврейлердің ұлттық мемлекет құру қозғалысы жеңіске жетті. Алайда 1948 жылы БҰҰ шешімімен Палестина жерінде екі тәуелсіз араб және еврей мемлекеті құрылды. Содан бері палестиналық арабтар мен еврейлер арасында жер дауынан туған қарулы қақтығыстар үздіксіз жалғасып келеді.