Сипай сезу түйсіктері

Заттардың теріге үйкелуінің нәтижесінде олардың тегіс немесе кедір-бұдыр, жұмсақ немесе қатты құрғақ не дымқыл екенін және т.б. қасиеттерін түйсінуге болады. Заттар теріге сүйкелгенде жүйкелер қозса ғана түйсіну пайда болады, қоздыруға шамасы келмейтін сүйкелу түйсінуді туғыза алмайды. Тері түйсіктерінің адамға тән белгісі бap. Бұл, ең алдымен, адамның тері түйсіктерінде сипаудың елеулі орын алуымен байланысты. Сипау мүшесі — қол. Ол — адамның ең сезгіш мүшесінің бірі. Жас нәрестелердің айналасындағы дүниені тануында сипау үлкен рөл атқарады. Сипау сезімі — мылқауларды оқытудың, оларды түрлі мамандыққа үйретудің, ақыл-ой өрісін дамытудың күшті құралы.