Сирена

Сирена – газ немесе сұйық ағынның ауық-ауық тоқтан қалуына негізделген дыбыс тудырғыш. Сиреналардың ішінде осьтік сиреналар (газ ағыны айналу осінің бағытымен қозғалады) және радиальды сиреналар (газ ағыны айналу осіне перпендикуляр бағытталған) деп аталатын түрлері кең тараған.

Осьтік сирена

Осьтік сиренада тесіктері бар ротор двигатель көмегімен статорға қатысты айналдырылады. Ротор мен статор тесіктерінің төменгі жағынан сығылған ауа үрленеді. Ауа тесіктерге құбырдан сақиналы камера мен саңылау арқылы өтеді. Ротор айналғанда ауа ағыны периодты түрде үзіліп отырады. Мұның нәтижесінде ротордың айналу жылдамдығының тәуелді жиілігі бар дыбыстық толқын пайда болды. Қазіргі кезде пайдаланылатын сиреналардың жиілік диапозоны 200–300 герцтен 600 килогерцке, ал қуаты ондаған киловаттқа дейін жетеді.

Пайдаланылуы

Сиерналар сигналдық (сақтандыру, хабарландыру т. б.) және әр түрлі технологиялық мақсаттарда (тұманды шөктіру, жылулық және зат алмасу процестерін шапшаңдату, газ не ауадағы ұсақ бөлшектерді біріктіру т. б.) пайдаланылады.