Сисенғалиев Хамит

Сиснғалиев Хамит — 1926 жылы Ақтөбе облысы, Ойыл ауданы, Талтоғай елді мекенінде дүниеге келген.Ол жастайынан жетімдіктің ауыр жүгін көтеріп өскен. 1932 жылы 6 жасында анасынан айырылса, 1939 жылы әкесі қайтыс болады. Сондай қиын күндердің бірінде ағасы Қаби майданға аттанды. 1942 жылы жараланып келіп, келесі жылы майданға қайтадан аттанып, сол кеткеннен оралмады.1990жылы іздеу хатқа "Сіздің ағаңыз Қаби Сисенғалиев 1943 жылдың желтоқсан айында Суходольск селосында бұрынғы Батуман селосы, Долинск ауданында жерленген" - деген хат алды. Ал өзі 1944 жылы соғысқа қатысты. 1945 жылы 2 мамырда Берлин түбінде жараланып, елге 1946 жылы ғана оралды. Ойыл ауданынан майданға 2600-ден астам адам аттанған. Оның 674-і елге оралмапты. Хамит Сисенғалиев 1945 жылы жеңісті Берлинде қарсы алды. Ұлы Отан соғысында "Ерлігі үшін","Жауынгерлік ерлігі үшін" медальдарымен,"Қызыл Жұлдыз" орденімен марапатталды. Елге оралған кезден бастап еңбек майданында қызмет етті. Оралдағы ауыл-шаруашылық техникумында білім алды. Әр жылдары колхоз басқармасының орынбасары, гроном, ферма басқармашысы болып еңбек етті. 1965 жылы қараша айында Ойыл ауданында өрт сөндіру командасы құрылып,соған бастық болған. Ол бұл салада 1968жылдың ортасына дейін қызметте болған. Ішкі істер бөлімі,прокуратура, сот мекмесінің бастауыш партия ұйымының хатшысы болды. Одан кейін шаруашылыққа жұмысқа ауыстырды. 1981 жылдың қарашасынан бастап зейнеткерлік демалысына шықты. Жұбайы Қанзиямен бірге отау құрып, жеті баланы тәрбиелеп өсірді. Қазіргі таңда 22 немересі, 30 шөбересі, 1 шөпшегі бар. "Салтанат сарайында" Ұлы жеңістің 60жыл мерекесіне орай болатын Астанадағы шеруге қатысатын Республика бойынша 20 ардагер баратын болса, соның ішінде Ойыл ауданынан Хамит Сисенғалиевте елбасымыздан арнайы шақыру билетін алған болатын.Астанада жеңіс шеруіне қатысып,құрметке бөленді. Сисенғалиев Хамит жеңістің 63жылдығын қарсы алмас бұрын, көз жұмды.