Славистика

Славистика – славян тілдерінің өзара қарым-қатынасын, ұқсастығын сол тілдерінің тарихымен байланыстыра зерттейтін ғылым саласы. Бұл мәселені славян халықтарының тарихымен, әдебиетімен, мәдениетімен байланыстыра кең түрде славян тану ғылымы қарастырады. 18 ғасрыдың аяқ кезінде Михаил Васильевич Ломоносов славян тілдерін салыстыра зерттеудің негізін салды. 19 ғасырдың бас кезінде жеке славян тілдерінің грамматикалары мен сөздіктері жасалып, славян жазуының ескерткіштері басылды («Игорь жорығы туралы жыр», 1800 жыл). 20 ғасырдың баскезінде Алексей Александрович Шахматов орыс тілінің тарихы мен диалектологиясын, славян тайпаларының шығу тегін зерттеп, орыс тілінің басқа славян тілдерімен қарым-қатынасын анықтады. Славистиканың дамуына Ф. Миколошичтің, И. В. Ягичтің, И. А. Бодуэн де Куртенэнің еңбектері де үлес қосты. Қазан Революциясы славян халықтарының тағдырларына күрделі өзгерістер енгізіп, славистиканың дамуына үлкен әсер етті. Славистика енді славян халықтарының бірлестігін, достығын зерттеуге де көңіл аударуда.