Смородиншылар

Смородиншылар - Россияда христиандықтағы елуіншілер сектасында 1911 жылдары пайда болған ағымдардың бірі. Елуіншілер қауымы протестанттық миссионерлер- уағыздаушылардың ықпалымен осы ғасырдың басында Финляндияда, ал кейіннен Россияда Петербургте пайда болды. Петербургтегі елуіншілер қауымының алғашқы басшылары Н.И. Иванов және Россияда негізі қаланған апостолдық рухтағы інжілшіл христиандардың алғашқы қауымы есімімен аталған Н.П. Смородин болды. Смородиншылар шіркеуді құдай мен адамдар арасын жалғастырушы ретінде өмір сүруін теріске шыығарады. Бірақ сектада ұйымдастыру мен тәртіптің қажеттігін мойындайды. Смородиншылар құдайдың үшеулігін теріске шығарды. Олардың ойынша әке- құдай, бала- құдай және қасиетті рух- құдайы тек Христ арқылы ғана көрінеді. Олардың жалғызшылдар, иисусшілдер деген аты да осыдан шыққан. Қазіргі кезде Смородиншылардың жолын ұстанушылардың саны болмашы ғана.