Совет Айжанұлы Байқадамов

Совет Айжанұлы Байқадамов 1938 жылы 12 қазанда Ақтөбе облысы Темір ауданының Кеңқияқ кентінде туған.

• В.И. Ленин атындағы Қазақ политехникалық институтын (1972) бітірген, тау-кен инженер-геологы.
• 1961 жылдан - «Ақтөбемұнайбарлау» тресінің Мұғажар маңы мұнай барлау экспедициясының бұрғышы кемекшісі,бұрғышысы. 1972 жылдан «Қазмұнайгазбарлау» ӨГБ Кеңқияқ тереңнен бұрғылау МБЭ геологы, аға геологы, 1975 жылдан - геология бөлімінің бастығы, 1984 жылдан - кәсіподақтар комитетінің терағасы. 1986 жылдан -«Ақтөбемұнайгазгеология» ӨГБ Шұбарқ ұдық МБЭ геологиялық жобалар жасайтын жасақтың бастығы, 1989 жылдан - бас геологы. 1992 жылдан - «Мемтеққадағалаудың» кен техникасы инспекторы, «Батысқазгеобақылау» Батыс Қазақстан аумақтық басқармасы бастығының орынбасары. 1994 жылдан - «Батысқазгеобақылау» Батыс Қазақстан аумақтық жер қойнауын қорғау және пайдалану басқармасының бастығы. 2001 жылдан «Сағыз Петролеум Компани» ЖШС бас директоры. 2007 жылдан бері - «Сағыз Петролеум Компани» ЖШС бас директорының кеңесшісі.
• «Еңбек ардагері», «Ерен еңбегі ушін», «Жер қойнауын барлауға сіңірген еңбегі үшін» медальдарымен; «Қазақстан мұнайына 100 жыл», «Қазақстан Республикасының кенорнын алғаш ашушы» белгілерімен, дипломдармен және төс белгілерімен марапатталған. ҚР жер қойнауының Құрметті барлаушысы. Кеңқияқ кенорнын ашқан ізашар (1971).