София патшайымның өнер орталығы
«София патшайымның өнер орталығы» ұлттық мұражайы (ис. Museo Nacional Centro de Arte Reina Sofía) — Испания елордасы Мадрид қаласында орналасқан пинакотекасы және кітапханасы (шамамен 40 000 том) бар көкрем мұражайы.
| София патшайымның өнер орталығы Museo Nacional Centro de Arte Reina Sofía | |
|---|---|
| |
| Құрылған уақыты | 1986 |
| Орналасқан жері |  : МадридСанта Исабель к., 52 |
| Мұражай түрі | заманауи испан өнері |
| museoreinasofia.es | |
 Ортаққордағы санаты: София патшайымның өнер орталығы
| |
Прадо және Тиссен-Борнемиса мұражайларымен бірге «Алтын үшбұрыш» деп аталатын мадридтық мұражайлар қатарына кіреді.
Жалпы мәлімет
өңдеуМұражайдағы көрме залдарының жалпы аумағы 12 505 м². Техникалық жағынан ғимарат температураны, ылғалдықты бақылайтын және залдардың жарықтылығын реттейдін, сонымен қатар қажетті кезде қауіпсіздік жүйесін іске қосатын орталық компьютермен жабдықталған.
Қазіргі кезде мұражай негізгі үш функцияны атқарады: тұрақты жинақтамалар мұражайы, уақытша көрмелер залы және зерттеу бөлімі.
Мұражайдың қасбетінде үш сыртқы лифт орналасқан, бұл сәулеттік шешім ғимаратқа ерекше сән береді.
Тарихы
өңдеуМұражай мүсін бойынша мамандырылған заманауи өнердің көрме залы ретінде 1986 жылы негізделді.
Ресми түрде мұражай 1992 жылдың қыркүйегінде ашылды.
2007 жылы мұражай өз аумағын кеңейтті.
Экспозиция
өңдеу«София патшайымның өнер орталығы» ұлттық мұражайы — әлемдеңі ең ірі мұражайларының бірі болып табылады.
Бұл мұражайда заманауи испан өнерінің тұрақты жинақтамасы орналасқан. Орталықтың залдарында заманауи өнердің сан алуан уақытша көрмелерін көруге болады: көркем сурет, мүсіндер, видеоинсталляциялар, фотографиялар, кино және т.б.
Мұражайда Пабло Пикассо және Сальвадор Дали жинақтамалары бар. Ең танымал жауһары — Герника суреті.
Мұражай шегінде көркем суретке арналған тегін кітапхана орналасқан. Оның қорында 100000 кітап, 3500 дыбыс жазба және 1000 видеожазба сақтаулы тұр.
.jpg)
Сілтемелер
өңдеу- Мұражайдың ресми сайты Мұрағатталған 4 желтоқсанның 2010 жылы. (исп.)
- Еgoogleartproject.com сайтындағы мұражай экспонаттары