Соққы толқыны

Соққы толқыны (Ударная волна) — атом бомбасының жарылыс , қуатының тең жартысы жұмсалатын ең күшті зақымдаушы фактор. Ол жарылыс болған жерден жан-жаққа бірдей шапшаң жылдамдықпен тығыз ауа толқыны түрінде таралады, жолындағы үйлерді, құрылыстарды зақымдайды. Мыс., Хиросимаға тасталған атом бәмбасының жарылысы кезінде 1 км аймақта жер бетіндегі құрьлыстардың бәрі тып-типыл болған, ал 2 км жердегілер қатты зақымданған, 3 км жердегілер одан сәл аздау, ал 10 км қашықтықта — үйдің әйнектерінің қирағаны байқалған. Соққы толқынының жылдамдығы жарықтың жылдамдығынан едәуір кем (2 секундта 1 км, 5 секундта 2 км, 8 секундта 3 км) өтеді. Сондықтан жарылыс жарқылын көрген адам дереу жасырынып үлгеруіне болады. Жарылыс болған жер қашықтаған сайын зақымдау күші де әлсірей береді. Адамдар паналайтын құрылыстар болмаған жағдайда шұңқырларға, жыраларға, темір жолдар мен тас жолдардың жиегіне т.б. сол секілді табиғи орындарға жасырынған жен.