Спиннер дельфині

Спиннер дельфині немесе Ұзынтұмсықты дельфин (лат. Stenella longirostris) — шағын тропикалық дельфин. Бұл дельфиндердің дәл осылай аталуына оның ауада арқасымен секіре алатын қасиеті себепші болған. Ұзынтұмсықты дельфин тек Тайланд маңындағы жағаға жақын суасты маржанды жартастарда кездесетін дельфиндердің бір түрі. Дельфиннің бұл түрін 1828 жылы ағылшын ғалымы Джон Грэй тапты. [2]

Спиннер дельфині


Амандық күйі
Дерегі жетіксіз (IUCN) [1]
Ғылыми топтастыруы
Дүниесі: Жануарлар
Жамағаты: Хордалылар
Табы: Сүтқоректілер
Сабы: Киттәрізділер
Кіші сабы: Тісті киттер
Тұқымдасы: Дельфиндер
Тегі: Стенеллалар
Түрі: S. longirostris
Екі-есімді атауы
Stenella longirostris
(Джон Эдуард Грей, 1828)

Кіші түрлері
  • S. l. orientalis
  • S. l. centroamericana
  • S. l. longirostris
  • S. l. roseiventris

Жалпы сипаттама өңдеу

Бұлар алып дельфин емес, орташа ұзындығы - шамамен 1,8 м, ал салмағы - 75 кг. Ең ұзын спиннер дельфині - 12 м, ал салмағы 95 кг. Денесі жуан емес. Тұмсығының үстіңгі жағы - қара, ал төменгі жағы ақ түсті болып келеді. Денесінің үстіңгі жағы- сұр, бүйірі мен кеудесі аппақ болады. Тістері басқа дельфиндерге қарағанда көп, 45-65- ке жуық өткір тістері бар.

Спиннер дельфиндері қорегін түнде аулайды. Олардың негізгі қорегі - ұсақ балықтар мен асшаяндар. Бұлар көбінесе Тарғыл дельфиндер мен Гавай бүкір киттерімен бірігіп жүзгенді жақсы көреді. Олардың негізгі жауы - жыртқыш акулалар, касаткалар, және Пигмей киттері.

Аналық спиннер дельфині 4-7 жылда, ал аталығы 7-10 жылда жетіледі. Аналық 2-3 жылда бір рет балалайды. Ол 10 ай буаз болады. Жаңа туған спиннердің ұзындығы - 80 см. Ұрпағы 1-2 жыл анасының қасында өседі[2].

Спиннер дельфиндер күндіз жағалауға жақын таз суда тынығады, ал түнде қорегін табу үшін жортуылға шығады. Басқа дельфиндермен де бірге жүре береді. Мұндай дельфиндерге көбінесе акула сияқты жыртқыштар қауіп төндіреді. Ұзынтұмсықты дельфиндер тобы бір жерде бірнеше жыл тұрақтайды.

Суреттер өңдеу

Дереккөздер өңдеу

  1. Hammond, P.S., Bearzi, G., Bjørge, A., Forney, K., Karczmarski, L., Kasuya, T., Perrin, W.F., Scott, M.D., Wang, J.Y., Wells, R.S. & Wilson, B. (2008). Stenella longirostris. In: IUCN 2008. IUCN Red List of Threatened Species. Downloaded on 7 қазан 2008.
  2. a b Акулалар, Дельфиндер және киттер .-Алматы: "Аруна" баспасы. -Сер: "1100 қызықты деректер" ISBN 978-9965-26-553-2