Стапель

Стапель (голл. stapel) — кеме жасауға арналған ашық алаң. Ол кеме тиянақтары орнатылатын бетонды іргетас түрінде болады. Бойлық Стапель жағалауға перпендикуляр әрі көлбеу етіп жасалады. Мұндай стапельде құрастырылып біткен кеме суға өзінің ауырлық күші әсерінен түседі. Көлденең стапель жағалауға параллель әрі горизонталь етіп жасалады да, кеме суға көлбеу алаң арқылы түсіріледі. Стапельге кеме жасауға қажетті жүк көтеру құрылғылары орнатылады.