Статистикалық есеп

Статистикалық есеп - шаруашылық есебінің үш түрінің (оралымды және бухгалтерлік есептермен бірге) бірі, қоғамдық (шаруашылық) өмірдің бұқаралық құбылыстарын көрсетумен байланысты түрі; сапасы жағынан біртекті бұқаралық әлеуметтік-экономикалық құбылыстарды тіркеу, қорытындылау және зерделеу жүйесі. Ол оралымды, бухгалтерлік есептердің, жаппай және іріктемелі байқаулардың деректерін статистикалық жүйелеу мен өңдеу негізінде кәсіпорынньщ (фирманың, халық шаруашылығының, т. б.) өндірістік-шаруашылық қызметтің түрлі жақтарының сандық және сапалық сипаттамасын береді. Статистикалық есепте дамыған ұғымдық аппарат, тақырып, әдіс, сондай-ақ нақты орын мен уақыт жағдайьшда қадағаланатын объектілердің ғылыми негізделген сандық-сапалық сипаттамасын қамтамасыз ететін ұйымдық құрылым бар.