Стивен Крейн (1.11.1871 — 5.6.1900) — америкалық жазушы, журналист, ақын. Қысқа ғұмырына қарамастан, ағылшын тілді әдебиетке үлкен әсер етті, ол өз заманының ең жаңартпашыл қаламгерлерінің бірі болып есептеледі.

Стивен Крейн
Stephen Crane
Туған күні

1 қараша 1871 (1871-11-01)

Туған жері

Ньюарк, Нью-Джерси

Қайтыс болған күні

5 маусым 1900 (1900-06-05) (28 жас)

Қайтыс болған жері

Баденвайлер, Германия

Азаматтығы

 АҚШ

Мансабы

жазушы, ақын, журналист

Бағыты

натурализм, импрессионизм

Шығармалардың тілі

ағылшынша

1893 жылы ол Мэгги: көшелердің қызы атты өзінің алғашқы повесін бастырып шығарады. Әдебиеттанушылардың пікірінше, бұл Америкадағы натурализм бағытында жазылған тұңғыш шығарма болып саналады.

Ал 1895 жылы шыққан Айбынның алқызыл белгісі атты роман Америкадағы азамат соғысы жайындағы аса әсерлі шығарма ретінде танымал болып келеді. Алғашқыда бұл шығарма Қатардағы жауынгер Флеминг/Оның қилы-қилы шайқастары деген атаумен The Philadelphia Press газетінің бірнеше санында жарияланды, кейін жеке кітап болып басылды.

1897 жылы Стивен Крейн Грекия-Түркия соғысының майданына соғыс корреспонденті ретінде аттанады. Сосын ол Англияға барады, онда Джозеф Конрад пен Герберт Уэллс сияқты жазушылармен танысады. Туберкулез ауруына шалдыққан Стивен Крейн Германияның санаториінде емделіп жатқанда, 28 жасында қайтыс болады.

Негізгі шығармалары өңдеу

  • Maggie: A Girl of the Streets — Мэгги: көшелердің қызы (1893)
  • The Red Badge of Courage — Айбынның алқызыл белгісі (1895)
  • The Black Riders and Other Lines өлеңдер жинағы (1895)
  • George's Mother — Джорджтың анасы (1896)
  • The Open Boat — Ашық теңіздегі қайық (1898)
  • War is Kind өлеңдер жинағы (1899)
  • Active Service — Қызметте (1899)
  • The Monster — Құбыжық (1899)
  • Wounds in the Rain — Жаңбырдағы жаралар (1900)
  • The O'Ruddy соңғы романы (1903)

Сілтемелер өңдеу