Стинг

Стинг (ағылш. Sting; шын есімі - Гордон Мэттью Томас Самнер (ағылш. Gordon Matthew Thomas Sumner) — британ музыканты, әнші, композитор, активист, актер, мульти-инструменталист және филантроп. The Police тобының 1976-1984 жылдардағы жетекші вокалисі. 1984 жылдан қазіргі таңға дейін жеке әншілікпен айналысып келеді.

Стинг Sting
Негізгі ақпарат
Туған кездегі есімі	Gordon Matthew Thomas Sumner
Толық аты	Гордон Мэттью Томас Самнер
Туған күні	2 қазан 1951 (1951-10-02) (73 жас)
Туған жері	Уолсенд, Солтүстік Тайнсайд, Тайн-энд-Уир графтығы, Англия, Ұлыбритания
Белсенділік жылдары	1974- қазіргі күнге дейін
Мемлекет	Ұлыбритания
Мамандықтары	әнші, композитор, музыкант, актер
Аспаптары	бас-гитара, гитара, контрабас, пернелі аспаптар, саксофон
Жанрлары	рок, поп, жаңа толқын, регги, джаз, нью-эйдж, соул
Лақап аттары	Sting
Ұжымдары	The Police, Last Exit, Newcastle Big Band
Лейблдері	A&M, Universal
sting.com

Өмірбаяны

1951 жылдың 2 қазанында Англияның солтүстігіндегі Уолсенд қаласында дүниеге келген.

Әкесі Эрнест Мэтью Самнер ұзақ жылдар бойы жергілікті көлік жасау компаниясында жұмыс жасап келген. Кейін, кішігірім сүт өнімдерің сататын дүкен иесі болған. Анасы Одри шашатаразшы және медбике болып қызмет атқарған. Анасының музыкалық білімінің арқасында Стинг бала кезінен әнге, оның ішінде фортепианода ойнауды үйренген еді.

Стинг отбасындағы төрт баланың үлкені. Гордонның соңынан екі қарындасы Анита, Анджела және інісі Филипп бар. 10 жасқа келген кезінде әкесінің досы Гордонға сыйлық ретінде гитара сыйлады.

Сол күннен бастап Стинг қолы қалт еткенде гитарада аккордтар жаттаумен өткізетін. Мектеп қабырғасында жас Гордон музыкалық клубтарда көп уақытын өткізетін болған. Ондағы басты мақсаты Джими Хендрикстің өнерің тамашалап, содан өзіне шабыт алу еді. Кейінірек, әншінің өзі айтқандай бұл кісі әнші өміріне қатты ықпал еткен.

Гимназияны бітірген соң, Стинг біраз уақыт бойы кондуктор, салық инспекторы және ағылшын тілі пәнінің ұстазы болып қызмет атқарған. Ұстаз болып қызмет атқарған кезінде ол өзінің ән үшін жаралғаның түсініп, досының нұсқауы бойынша жергілікті Newcastle Big Band тобына кастинг бойынша қабылданып сонда бірз уақыт өнер көрсетеді.

Кейін, Phoeniх Jazzmen деген топқа өтіп, көптеген концерттердің арқасында өзінің өнерің шыңдай түсіп, джаз әлемінің қыр-сырымен танысып, сол ұйымның жетекшісі Гордон Соломоннан Стинг деген лақап атқа ие болады. (Sting - ағылшын тілінен аударғанда араның тілі, безгегі. Стинг әрдайым дайындық үстіне қара-сары жолақты күрте киіп келуіне байланыстырып, оны араға ұқсатып солай Стинг деп атап кеткен.) Тап сол уақытта ол басқа музыкаттармен қосылып жаңа топ- Last Exit құрады.

Ең алғашқы халық ілтипаты мен ақшалай табысты Гордон дәл осы топтан көреді. «I Burn for You»- осы коллективтің ең атақты әніне айналып, Last Exit тобына Лондонға жол ашады. 1977 жылы американдық барабаншы Стюард Коупленд Стингті байқап оны рок әншісі болуға шақырады.

The Police тобы

1977 жылы Стюард Коупленд, Энди Саммерс және Стинг бірлесе отырып The Police тобын құрады. Алғашқы екі туындылары: «Fall Out» және «Roxanne» ешқандай жеміс бермеді. Алайда, осы әндерді антрепренер Майлз Коупленд естіген соң топтың менеджері болуға келіседі.

Кейін ол A&M-мен келісім шартқа отырып, топтың дебютты альбомы «Outlandos d’Amour» шығарды. 1979 жылы «Roxanne» әнің қайта шығару арқасында оның орны 12-ші орынға жетіп бүкіл еуропалық үздік әнге айналды. Оның артынша Reggatta de Blanc, Zenyattà Mondatta, Ghost in the Machine және Synchronicity альбомдары жарық көрді.

1984 жылы жасалған іссапардан соң Стинг бұл топтағы өзі жете алған бар жетістігіме жете білдім деп, топтың дәл танымалдығының шыңында топтан шығып кетеді. 2007 жылы мамыр айында топ қайта жиналып «Roxanne» әнінің 13 жылдығына орай тағы бір үлкен турнеге шығады. Ол тек 2008 жылы 7 тамызда Нью-Йорктегі соңғы концертпен аяқталады. Осы уақыт аралығында ең танымал трио 152 концерт беріп үлгереді. 2008 жылы маусым айында бұл үштік Isle of Wight фестивалінде өнер көрсетіп 70 000 көрермен жинаған.

Жеке өнері

Ең алғашқы альбомы The Dream of the Blue Turtles еді. Бұл альбомның аса танымал әні «Russians» болды. Өлең қырғи қабақ соғысы кезінде жазылған (1985 жыл). Стинг ядролық аппаттардан қорқып, өз өлең жолдарында "орыстар да өз балаларын сүйеді", демек ол әлемді үлкен нәубеттен аман алып қалу керек деп ойлады.

Бұл әнінде Стинг орыс композиторы Сергей Прокофьевтің "Поручик Киже" сюитасына жазылған әуенінің қолданған еді. 1987 жылы Стинг жаңа альбом жазады. Nothing Like the Sun (альбомның аты Шекспирдің 130 сонетасының бір тармағынан алынған еді). Альбом толығымен 1987 жылдың күзінде шықты. Шыға салысымен барлық әндердің көшін бастап кетті. Аса үлкен танымалдылыққа «They Dance Alone (Cueca Solo)» әні бөленді. Ән Чилидегі репрессия құрбандарына арналған еді. 1988 жылы әнші "Халықаралық амнистия" ұйымының жұмыстарын қолдап, бразилиялық орман алқаптарын сақтауға және сонда тұрып жатқан индеецтердің өмір салтын сақтауға көп күш жұмсайды. 1991 жылы The Soul Cages альбомы оның ата-анасынан айырылған кезіне тұспа-тұс келіп қалады.

Бұл альбомдағы «All This Time» әні барлық рейтингтарда алғашқы орындарға ие болып, Billboard журналында ең үздік жүздіктің ішінен 5 орынға ие болады. 1993 жылы Ten Summoner’s Tales альбомы жарық көреді. Осы альбомдардың шығуы Стингті басқа қырынан көрсеткендей болады. Танымал әндерінен бөлек 1993 жылғы альбомға жаңа әндер «When We Dance» және «This Cowboy Song» қосылған еді.

Mercury Falling альбомы 1993 жылғы альбомдай аса танымал бола алмады. Альбомдағы Brand New Day доказал әні Стингтің әліде хит әндер жазатынына көз жеткізді. Ән британдық чарттарда 13-ші орныға ие болды.

Альбом онымен қоймай, АҚШ өзінің бірінші орының бермеді. Ал, бұл таспа екі Грэмми сыйлығын алды. 2001 жылы 11 қыркүйектегі қаралы оқиғаларға орай All This Time альбомы жарық көрді. 2001 жылы болған қаралы оқиға Стингтің өзіне де, өнеріне де өте үлкен әсер тигізді.

"Мен әнші ретінде қандай дүние жазуым керек жайында мен көп ойландым. Мен болған оқиға жайында ашық айтқым келмеді, алайда, қазір сол уақыт аралығында жазылған әндеріме қарасам, оларды бір ортақ сезім байланыстырып тұрған секілді. Менің ойымша, адамдармен болып жатқанның барлығы бір ортақ дүние, біз барлығымыз, біздің ұлтымызға, дініміздің әр түрлілігіне қарамастан, бір-бірімізбен тікелей тек бір ғана күшпен байланыстымыз және сол күш біздің бар әлемімізді байланыстырып тұрған жалғыз күш". Стинг

Сол күштің атын ол өзінің жаңа альбомында атап өтті -Sacred Love. 2003 жылы Парижде жазылған бұл шығарма, әлемде болған барлық оқиғалардың бет бейнесі іспеттес. Барлық әндерінің мәтіндері дін, сенім, соғыс, түсіністік пен түсініспеушілік жайында, алайда ең басты тақырып ретінде ол махаббатты алғаны альбомнынң атынан белгілі. «Send Your Love» әні Стингге тағы бір Грэмми номинациясын сыйлады. 2013 жылдың мыыр айында, Стингтің ресми сайтында The Last Ship атты кезекті альбомның жазылатыны жайында йтылды.

Сол жылдың 24 қыркүйегінде осы альбом жарық көрді. 2015 жылдың 28 тамызында «Stolen Car» Милен Фармермен бірлесе дүниеге алып келген синглі жарық көрді.

Жеке өмірі

Өзінің адал жары, актриса Труди Стайлермен (1954 жылы дүниеге келген) және 6 баласымен АҚШ, Нью-Йорк қаласында тұрып жатыр. Өзінің Бразилияға жасаған сапарынан кейін, ол табиғат қорғаушы болып, жарымен бірігіп Тропикалық орман алқаптарын қорғайтын фонд құрған.

Аса үлкен табыстары үшін Стингтің құрметіне құрбақалардың бір түрі - Dendropsophus stingi түріне әнші есімі берілді. 1976-1984 жылдары актриса Френсис Томелдимен отбасы құрған (1948).

Бір ұлы - Джозеф Самнер (т.ж 23.11.1976), бір қызы - Фуксия Кэтрин Самнер (т.ж 17.04.1982) бар.

1992 жылдың 20 тамызында актриса Труди Стайлермен отбасы құрады.

Стингтің төрт баласы бар: Бриджит Майкл Самнер (т.ж 19.01.1984), Джейк Самнер (т.ж 24.05.1985), Элиот Паулина Самнер (т.ж 30.07.1990) Джакомо Люк Самнер (т.ж 17.12.1995).

Синглдері

• 1992 «It’s Probably Me» ( Эрик Клэптонvty) #30 UK
• 1993 «If I Ever Lose My Faith in You» #14 UK, #17 US
• 1993 «Seven Days» #25 UK
• 1993 «Fields of Gold» #16 UK, #23 US
• 1993 «Demolition Man» #21 UK
• 1994 «All for Love» #2 UK, #1 US
• 1994 «Nothing 'Bout Me» #32 UK
• 1994 «When We Dance» #9 UK, #38 US
• 1995 «This Cowboy Song» (feat. Pato Banton) #15 UK
• 1996 «Spirits in the Material World» (Pato Banton feat. Sting) #36 UK
• 1996 «Let Your Soul Be Your Pilot» #15 UK, #86 US
• 1996 «You Still Touch Me» #27 UK, #60 US
• 1996 «I Was Brought to My Senses» #31 UK
• 1996 «I’m So Happy I Can’t Stop Crying» #94 US
• 1997 «Roxanne '97» (remix) (with The Police) #17 UK, #59 US
• 1999 «Brand New Day» #13 UK, #100 US
• 2000 «Desert Rose» (feat. Cheb Mami) #15 UK, #17 US
• 2000 «After the Rain Has Fallen» #31 UK
• 2003 «Rise & Fall» (Craig David feat. Sting) #2 UK
• 2003 «Send Your Love» #30 UK
• 2003 «Whenever I Say Your Name (ft. Mary J. Blidge)» #60 UK
• 2004 «Stolen Car (Take Me Dancing)» #60 UK
• 2005 «Taking the Inside Rail» #? US, #? UK